度小月 (海運大廈) (Closed)

係尖沙嘴行到夜一夜又唔係好肚餓，去度小月食個快飯就適合不過！呢度整體食物份量偏細，所以定價比其他台灣店平d。餐廳都幾寬敞，枱與枱之間唔會太逼，一坐低我地快快手叫左擔仔麵、肉燥飯、鹽酥雞、紹興香腸、貢丸湯，同埋兩杯珍珠奶茶。肉燥飯熱上，肉燥份量算係適中，拌一拌飯，個汁好夠好好食。然後擔仔麵份量確實少得很，兩淡食曬，湯底好油膩，味道亦很普通。鹽酥雞炸到外脆内軟，味道適中唔會太多味精，肉汁多。紹興香腸又係另一樣香口小食，凍左少少，不過食到香腸既油香。貢丸湯算係最普通的一道小食，感覺個湯似係味精湯，貢丸再彈牙d會更好。