稻成 (屯門市廣場1期)

Open Now

Now Closed

環境乾淨  燈光充足  就試下新野- 稻成門口有餐牌 ，今日去食午餐前菜係炸黃豆$28，其實係冇可能食得多，超熱氣叫左個點心飯麵自由配搭 （A+B) 呢籠就係A既小籠包 ，皮簿但唔夠滑，入面多湯。呢碗就係B既紅燒牛肉麵，麵煮得太淋，兩舊牛都要用多d牙力先咬得開，湯底就落得豉油太多，咸味重，唔太知自己食緊咩另外叫左個午市套餐，宮保雞丁配白飯，唔記得影相。宮保雞丁係餐牌到有個辣字，碟餸上面都有幾條辣椒，但係就食唔到佢有幾辣，淨係食到濃濃嘅蜜糖味，每舊細細的雞粒都比蜜糖包住。我同朋友平均分左d食物，兩個女仔都話唔夠，要再出去揾野食。