Ann Mamma Thai kitchen by 張秀玲

Open Now

Now Closed

收工同朋友去食Ann Mamma Thai kitchen by 張秀玲，今日黃雨鞋都濕埋。黎到餐廳環境舒適，裝修得幾靚，心情都靚返。疫情下，有提供口罩袋比客人放口罩，細心又衛生。呢度主打特飲，叫左杯pink guava special ，有氣的 唔會太甜有少少澀，食完辣嘢飲佢超正。泰式蟹肉炒飯好驚喜個炒飯有好多大大舊蟹肉，好有蛋香，隱約有胡椒更惹味，如果飯再炒乾身啲更好。青咖喱雞好足料，意想唔到有南瓜。只係微辣，唔太食得辣都冇問題烤薄餅脆卜卜之餘唔會太油，配咖喱絕配大蝦柚子沙律唔會太食得辣所以突登揀呢個唔辣既沙律，份量好多，柚子超大嚿，洋蔥清甜爽脆，唯一覺得蝦肉唔夠新鮮員工好有禮貌又主動，我地走嘅時候仲好貼心咁提我地記得拎傘。