創味坊 (Closed)

呢間茶餐廳都幾抵食。環境比茶餐廳高級。好有屋企既感覺。叫左個珍寶雜扒，好多種扒呀。雞，豬，牛，煙肉，腸仔，乜都齊，好似我，啱曬我呀！成個set有忌廉湯，蒜蓉多士。大大塊。我既扒黎啦。白菌燒汁既蘑菇味好香。雞扒煎得香滑，而且所有扒都唔會太油。90蚊既雜扒餐，算好味同抵食。豬扒整得好香，同煙肉加埋燒汁一齊食味道更突出。要食得好滿足同飽，呢個套餐可以滿足到我既要求！見到間餐廳有個多士幾得意，黑白一口多士，叫黎試下。朱古力同奶，糖混埋一齊，啱啱好一大啖可以食曬既多士，有五件咁多，好邪惡呀！一口吞左落肚，香甜味一次過爆曬出黎，超級正！只能夠講所有野都份量大，味道好既，食得好滿足。