創味坊 (Closed)

經過開長沙灣，咁啱想食中式小炒，上openice search附近有咩好食，見款式都幾多，決定去試吓，我地叫咗咕嚕肉同西蘭花炒帶子同xo醬小炒皇咕嚕肉-d汁甜酸適中，d肉外脆內軟，都幾juice西蘭花粉帶子-帶子好大粒，完全冇雪味，西蘭花炒得啱啱好，唔過火整體都唔錯

平時經過都唔想行入去，因為企門口迎客嗰個眼神感覺不大友善，今天中午見無人喺門口，終於走入去試一試d野食，一坐底睇下餐牌見到大部份由$44-$55左右，款式都算多而且又有炒粉麵飯包湯及飲品，第一時間覺得CP值都幾高喎，於是叫左個美極炒飯($44)及漁香茄子炆米($55)，諗住睇下廚房師父D手勢掂唔掂就知呢間野得唔得，中肯咁講，2款味道都幾好嘅又夠熱，不過共通點而且最不滿就係份量，碟炒飯入面D肉碎真係少得可憐(叫楊州炒飯都有幾隻蝦同火腿絲食下)，翠肉瓜粒都係一般的少，好似食緊一碟齋炒飯咁，到炆米，茄子正常size得3條，其餘嗰4-5條細條到好似普通成年人隻尾指咁上下粗，跟住d肉碎又係少得可憐，都算啦因為味道真係幾好，但食到一半見2個餐湯未到，一問之下對方答已送哂啦，所以無，咁樣都得，落單時無講，咁樣即時覺得成餐飯真係唔抵食，一碟美極瓜粒炒飯，一碟幼茄子肉都唔多粒嘅炆米，同我一齊食嘅女仔都話如果係女士還可以，男仔就應該唔夠飽，中午飯人均約$50一個頭，俾多幾粒肉、正常size嘅茄子人食下都唔係多好多成本啫，餐牌寫明跟湯及飲品，無又唔出聲又無野補，手法有問題，同例湯喺中午都可以無，搵笨

一開始老闆推薦食鱔 但本人不食鱔唯有改食其他菜 見到價錢比附近店鋪貴一dd菜單有好多野食 都喺炒野主打 但見到有蒸飯就心思思想食 於是都等左一陣 例湯的味道唔錯 好有媽媽喺屋企煲的老火湯味道覺得味道不錯 味精不太重總體覺得很有媽媽煮菜的味道二人食晚飯 叫了個蒸飯 同 小炒王飯味很香吸了魚的肉汁 好驚喜小炒腰果香趣可口 以為食完會好口乾出乎意料之外 唔會經常喺附近食 覺得呢間野 位置有d偏僻但喺味道比附近其他小菜餐廳好老闆問要唔要埋甜品 以為要錢 原來喺送既 真喺幾好 紅豆沙都好入味 仲有果皮 唔錯

長沙灣不嬲都多野食簡，同朋友揸車一行3人，想搵個坐得舒服食物好味既地方，一諗就諗起呢間，其實之前都試過2次食晚飯，我鐘意佢坐位寬闊，地方整潔，另外一定食物好味啦，如果唔係我唔會試咁多次，今次叫左1個細湯，5個餸，個個都好好味，我朋友第一次試都覺得好食，仲要傾計地方坐得舒服！門口又泊到車！真係超級方便大家有機會真係要試下

經營餐廳同踢波一樣，講團隊。好多人覺得餐廳服務唔掂，於是特登開個ac俾o個1個負評。可見餐廳服務幾咁緊要，你無法阻止「豬隊友」既存在，但一個「神隊友」，一個救全Team。日日食新餐廳，原本冇諗住寫呢間。但係佢既服務實在太值得一寫。是日去到呢間創味坊，門口阿姐好醒目地招呼你入去，安排好座位。呢間餐應好多一人位同卡位環境亦比一般鄰近茶餐廳為之企理。有裝修過下。我望一望餐牌，叫咗秘制醬燒豬頸肉湯烏冬($46)一位阿叔幫我落單。大叔嗌一餐:「阿Ｘ，裝碗湯黎！」１分鐘後，湯上來了冇錯，側邊還是條條揈的狀態。撥開一看，是眉豆花生豬肉湯，味道還不錯，頗為足料。過了廿分鐘，完全冇野上枱，我就知道，其實是漏單了。正當我抬頭準備張羅，還未舉手，尚未開口，門口阿姐就９秒９奔到我身旁。問我點了什麼，然後幫我追單。「真係神隊友啊！」目定口呆！請到這樣的店員，一眼關七，多重走位，可攻可守，會唔會太犀利呀？不出５分鐘，烏冬來了。只有４片的豬頸肉，份量不多，然而厚身、夠腍夠咬口，相當入味好食。湯底是乳白色的，都幾好飲。烏冬則是中式烏冬，圓身、密度較低。整體而言都是好食的。跟餐有飲品，我揀了檸茶一杯。用搪瓷杯盛著，都幾

呢間店成日路過但都無食過，覺得應該比個機會佢，又比個機會自己諗起有似幾搞笑，我地起門口約人，傾陣間去邊食，比個老細笑我地做咩唔入黎食今日都算係履行左我地嘅承諾，黎試一試，於是就入左黎啦我地腍左一陣就ORDER左：蕃茄豬骨湯麵餐 $38回鍋肉撈火腿奄列 $45蕃茄豬骨湯麵餐 $38蕃茄味道感覺幾新鮮，豬骨湯都味道適中食落口味幾適合回鍋肉撈火腿奄列 $45回鍋肉配公仔麵真係好好配搭，加埋個火腿奄列又係幾好食煮得都幾好食加埋兩個人都係$83，唔係貴，質素都唔錯以後我地同朋友食飯又多個好選擇

此店離港鐵站比較遠，近明愛醫院，舖內裝修很有格調，不像一般茶餐廳，似型格咖啡室多些，飲杯嘢傾下的地方。周遭的客人都很悠閒般，靜靜的看報食東西。回窩肉湯銀針粉，有特色，不用下下 沙爹牛麵，份量亦很足，要讚是 厚蒜蓉多士及炒蛋火腿，多士微烤，食落不油，奶茶雖然不是頂級，但亦算水準上

話說小弟係荔枝角返工，返左一段時間都頭痕痕唔知又食咩，結果就行遠小小去到創味坊食午飯。難得有魚食就叫左冬菜蒸鯇魚飯，見老細好好禮貌，我話要舊多肉啲得嘛，因為同區食魚，唔係魚頭多數魚尾比你。佢話得，我睇睇，一上黎，真係一份！？，份魚差不多係同區餐廳兩碟魚。份量大，食落好滑，睇相都可能睇到好靚，白滑，豉油魚撈飯，好好食。個餐湯同野飲就一般般，總數$50,比區內貴幾蚊，但係有呢個分量同質量，我寧願比多幾蚊

做左成日野,鬼甘攰,收工同班同事走黎食野,入到去再等緊野食既時候,發現店內有啲懷舊擺設,同埋枱係印有吾同stamp既木枱,餐廳環境都吾錯,幾舒服,吾係普通茶餐廳,有feel。平時食到間餐廳如果有脆豬一定會叫,懶係專家,覺得脆豬簡單既可以整得好食,間餐廳吾會差得去邊haha~見到個炒蛋鹹牛肉脆豬,未試過呢款就叫左黎試下。我一拎上手,係脆架!!!加埋牛肉既鹹香,食落口係好夾~~推推推!!!另外一定要同脆豬一齊食既紅豆冰呀~同同事叫多左幾樣小食野飲一齊share~ 發現杯都好cafe feel 靚😍薯角同雞翼夜晚食好邪惡,但吾理啦。味道吾錯吾錯!!!另外,偷食左男同事份扒餐,因為好吸引,但好大份自己又食吾哂haha.餐廳食物環境整體都好好,俾個like佢😆

平時好鍾意食大快活既焗豬，一黎夠快手，二黎平食但味道唔錯。今次黎左呢間長沙灣創味坊，心思思又想要焗豬，最後都係同樣一試呢到既香茄醬焗豬扒飯，其實都係焗豬飯。一黎到，見到份焗豬個樣焗得唔錯，面頭芝士焗得微焦，而且睇到有唔少洋蔥、青椒、蕃茄等等，睇黎配料上花了唔少心機，唔知主角豬扒又足唔足料呢？豬扒厚切，好厚肉呢，而且肉質唔算韌，都算係軟林，食落唔會有肥膏，否則就會反胃，豬扒可以話係絕唔可以肥！飯果然一定要係炒飯底，飯粒炒得夠乾身，而且都食到淡淡蛋絲味，幾好食！中途叫埋可樂，仲有杯多冰，加埋凍冰冰既可樂，爽啊…見到呢到都有小菜，唔知呢到既小菜水準又如何？睇到隔離檯D餸有D流口水

同朋友鍾意搵D茶記來食下，咁岩呢次做完野 行去附近幾條街，有間裝修都幾靚，特登走黎試試我地黎既時候都算早，所以唔算好多檯，見到都有好多款家常小菜之類，但都少不了扒餐常餐呢D我叫左個厚切豬扒配蒜蓉汁加辣味薯角，豬扒真係好厚切，單一塊大塊仲有兩個小塊，加上蒜蓉汁就非常之香，肉質唔會太韌，但頗有豬味，食完都有D飽肚，加上可以配的辣味薯角，又不至於非常辣，但好香脆，薯角好多肉，份量唔少跟餐羅宋湯好多料，味道好濃，好飲香蒜厚多士，成塊多士好靚，蒜蓉搽滿哂成塊多士，多士烤得香脆，蒜蓉又夠味，就連邊邊位都有味，好食成個餐食哂超飽，扒餐都只係$80，唔算太貴，而且水準不錯，主要環境夠乾淨夠靚，有時收工唔想煮飯黎呢到食都OK！

夜晚同班朋友一行4人差唔多9點先食飯，呢區本身附近人流就唔多，所以坐得好舒服唔會太嘈。環境好有格調，冷氣好夠但唔會太凍，光線好啱selfie或影食物😂老闆親自來招呼我地，首先俾壺冰水上台，簡單係爽YY。最欣賞個足料入味又大煲既湯，每人都飲2-3碗，飲唔晒都要打包，最啱忙到冇時間返屋企既人士，潤到一個點。老闆推介既黃花魚都好正，好滑，一點都唔腥，好味到唔記得影相就食左仲叫左碟腐乳通菜鮮魷、東風螺、沙嗲金菇肥牛煲，冇驚喜，正常。但欣賞佢既細心，因為我地成班女仔食得慢，佢會見我地食到一半先上另一碟。最驚喜係食到差唔多老闆送左碟朱古力一口多士俾我地食😍😍😍😍仲提我地影相share 上fb tag 佢地全單9折！

今日夜晚去長沙灣體育館打波之後，打完波真係好肚餓就同朋友去搵好野食啦，我地一行４條友，都諗唔到食咩好，所以周圍行下。行到咁上下見到創味坊見個外觀都唔錯，所以決定左食而一間。我太肚餓，所以決定左叫左一個創味坊珍寶雜扒餐黎食等緊餐黎既時候發現到餐廳的室內設計真係好用心，環境寛敞，中間有ｂａｒ枱位，門口旁邊有卡位，坐唔到位食飯真係別有另一番風味，而且餐枱上都印有唔同的圖案好精美。速度都幾快，好快就有個前菜個扒類套餐有埋餐湯同蒜厚多士，麵包外脆內軟，食落去有陣陣既蒜香味。而個主菜當然係個雜扒餐，份量極多，對於岩岩做完運動的我黎講，真係好滿足，３塊扒都係好厚，切落去果下見到Ｄ肉汁流出黎，好吸引最後我地叫多個鹽酥雞中翼＋脆薯角，個薯角是新鮮炸起，雞翼的外皮香脆，肉質鮮嫩。食完之後好滿足，份量多好岩我而Ｄ做完運動，同大食既人，味道又好味。

今日同朋友去長沙灣買野，行到又熱又肚餓，經過一間餐廳見到入面裝修好特別，就一於入去試下。一入門口員工就好熱情咁問我地幾多位，坐低後馬上就比左杯水我地，可能佢已經見到我地好熱!!一睇餐牌就發現原來呢到野食種類好多，搞到我都唔知揀咩好，係呢個時間我發配左原本佢地有一部電視係播緊佢地餐廳既食物短片，強烈推介一個芝士蛋包飯。但係呢一個時間我朋友又話比我知餐牌上有扒食，因為我係一個好鐘意食牛既人所以又比佢地既西冷肉眼扒深沐吸引住，係天人交戰下身為牛魔王既我始終放棄左芝士蛋包飯呢個選擇!意外地餐廳上菜好快，唔使我地咁肚餓咁等，湯我揀左紅湯，可以睇到佢地材料非常多，一飲落去發現湯既辣度岩岩好，因為之前試過太多餐廳既紅湯都無咩味同唔辣既!好快咁個牛扒就上埋黎，今次我揀左5成熟，因為唔同既餐廳都有唔同既標準，但今次我覺得同我想像中差唔多，牛肉唔會太熟，黑椒汁都好濃味!最後餐飲我點左佢地既奶茶紅豆冰，發現奶茶味非常濃郁而且仲有啖啖紅豆配合非常特別!呢次食得非常滿足，所以我決定下次再會去試埋個芝士蛋包飯!!

平時好少黎長沙灣既我，見今日咁岩係長沙灣收工，一於同埋3個朋友搵下新野食！我地諗住係附近平平地食下Dinner, 見到哩間創味坊幾靚仔就入左去喇😎原來佢新開左半年左右，入面既裝修都好靚好新潮，坐得都好舒服，又有卡位。Menu除左有平時茶記食到既野,仲有扒餐食喎,我地4個人就叫左4樣share！ 牛扒餐配黑椒汁大大份$90,送餐湯，多士，同沙律，加埋紅豆冰都係加7蚊✌🏻鹽酥雞翼拼薯角$38，雞翼比預期中更加出色😋咕嚕肉配熱菜蜜$72，哩個就普通，而且偏貴了，都係扒餐正D餐廳用既杯好靚呀，唔似一般茶記😍炒蛋鹹牛肉脆胞豬仔包$26，個豬仔包堅脆～ 我地4條友share哩幾樣野都夠哂飽，因為個扒餐真係好大份好抵食！😛總括黎講呢，如果想平平地食茶記又想坐得舒舒服服，哩間都算fit，西餐都有埋，長沙灣黎講都算正喎。👍🏻