Home Place Cafe (Closed)

成日去旺角Home Place飲野，都幾鍾意果度環境舒服，又鍾意飲杯熱蜜桃茶，同朋友傾下偈咁。呢晚就第一次試晚餐，個什菜湯好好味，非常足料，蕃茄味好濃郁，都幾大碗下，但因太好味飲晒。我order咗carbonara意大利粉，我朋友就食煙鴨胸意大利粉，兩碟意粉都大碟，我未見過carbonara會咁足料，有好多煙肉及火腿，仲有菇，真係料多過意份，但食落味道都幾好，不過唔夠creamy，芝士味不足，如果個汁同個味道再整得rich d，就會更好食。我食咗一塊鴨胸，好淋好入味，仲係好大塊，我朋友都話個意粉整得好食，味道一流，但實在食唔晒成碟。仲有甜品夾餅，我地都食唔落了，只係飲埋杯餐茶就算，都係飲我最愛嘅熱蜜桃茶，唔太甜但茶味香濃，為晚餐劃上完美句號。