Home Place Cafe (Closed)

今日約左朋友傾野，所以就搵左間無咩人的Cafe，呢間係朋友帶我上黎，可能平日關係，cafe成晚都唔見有好多人，計埋我地呢檯都係得三檯客左右，真係幾適合靜靜地咁傾野。 叫左個辣味長通粉，入口又真係比想像中辣，係韓國辣醬個種辣味，食兩啖就要飲水解解辣，不過我本身中意食辣，所以覺得無問題，如果唔食得辣的朋友就唔好叫呢個喇。長通粉有少少偏硬，如果可以煮耐少少會更好。餐點份量唔多，女仔食會剛剛夠飽，男仔可以加錢加底，整體黎講味道唔錯。

在樓上辦過公事，時已過午，小人就在大廈的二樓咖啡室吃個下午茶。錯過了午餐，下午茶一於來個豐富一點的，看到餐牌有個Pizza Waffle，好像好吸引，叫了一客。可能是即叫即整的緣故，等的時間頗長。良久之後，熱烘烘香噴噴的窩夫終於抵達了。這個窩夫薄餅實乃是用了窩夫代替薄餅，香脆得來而口感厚實，是有創意的，只不過小人還是認為傳統薄餅底較佳。窩夫的佐料有海鮮、芝士以及沙律等，汁是千島醬汁，當芝士的濃郁踫上酸酸的千島醬，很難會不好吃。吃完一份已甚飽滯，晚餐一定要押後。

飲品和食品完全沒有質素可言， 實在太難食!!!!!!board game的選擇很少， 應該十種玩具都不足夠........我們想玩的board game 通通也沒有!!!!!!!我們入座剛好3小時, 店員便立刻要求我們加單，，否則便需要立刻離開“““ 但重點是：當時餐廳並還有其他座位,,, 也完全沒有其他客人在等待!!!!!!!!另外這裏的燈光過於昏暗， 令人有點不適。這間cafe肯定不值得被推薦!!!!!!! 可一不可再!!!!

朋友仔話佢有心事要見見面,要吹吹水, 發洩下心頭之忿wor,佢先前食過呢間話唔錯,就孖我去喇!大約18:45到, 可能早, 人唔多,但就連…. 待應都唔係好見人,落單, 等左望左好耐至有人理…想拎個黑椒亦都望左好耐幾時有人經過 ….不過, 野係好食既 , 加番分啦~~海鮮白汁意大利飯,香濃忌廉白汁配上大大粒蜆肉, 青口, 醬汁幾好, 意大利飯煮既時間好重要, 如果林晒就會唔好食,佢地控制得幾好, 飯既口感唔錯.蛋汁煙肉卡邦尼意粉本身見佢生雞蛋甘樣好似有d衛生, 我好耐冇食過生蛋啦 ! 但因為個炒即煮夠熱,, 蛋好快有dd半熟感覺,我將d蛋同d粉撈好, 一食落去: wow~ 好香呀!! 佢d醬汁好濃撈埋蛋會有少少笠口既感覺,雖然食到尾少少漏, 但係好香好好食! 我覺得呢個仲好食過個飯, 亦心知卡路里勁過飯好多… 點解好食既野唔可以食瘦人呀?!草莓chocolate特飲可可味道一般 , 如果濃d更佳! 草莓香味亦唔出.完成呢餐飯 , 朋友仔似乎仲有一半苦水未吐 ,下場… 應該… 走唔甩 …

勁耐無去過cafe了, 因為普遍都覺得cafe食物麻麻, 今日想食的地方要等太久了, 所以隨便去左一間食~~cafe對本人黎講, 最吸引的應該是有吸煙區吧, 哈芝士條..其實諗住邊度整都應該好食, 但呢度認真麻麻外面唔係脆咁簡單, 係硬晒..入面既芝士好易斷, 完全唔可以拎黎玩..拉到好長果隻..呢杯野飲好唔錯! 好清新! 推介!呢杯既菠蘿味唔會話太濃, 太甜, good加上蘆薈, so sweet =]黑松露味好香, 遠遠已經聞得到! 個汁既忌廉味都好香濃~

早幾日行行下旺角，又唔係咁肚餓，就求其揾間cafe坐下食下野，呢度感覺都唔錯，坐得幾舒服，同格黎枱又唔會好近搞到好逼咁。叫左個all day breakfast, 朱古力香蕉窩夫，兩杯野飲，薄荷梳打同香蕉朱古力，明明加埋我地都係得三枱人，但係啲野都係好耐先黎，all day breakfast啲炒蛋係幾滑，不過上到枱居然已經凍左大半，如果熱辣辣咁食相信會更好。煙肉略嫌煎得過左龍，全塊都係硬嘅，脆卜卜咁.....我就真係唔多接受到喇，火腿就正常好多，但兩者都偏向多油，同埋都係凍左大半.....窩夫就正正常常咁，外邊脆得剛好，又唔太甜。朱古力香蕉窩夫相對下就好好多，香蕉有火炙過，幾得意，朱古力雪糕都好正呀，有朱古力薄片喺入面，窩夫都烘得ok, 整體感覺都好match。野飲就爭少少喇，香蕉朱古力得朱古力味，得好微弱嘅香蕉味，而且朱古力感覺都粗糙啲，唔夠滑。薄荷梳打就ok,好fresh,唔會澀。

第一次寫食評，不過隔左成個月先學人寫！同老公行開旺角，黎到間cafe醫肚！冬蔭功意粉$98 好好味夠香唔辣仲有隻大蝦！all day breakfast $88，蛋炒得好滑配窩夫幾好食！我飲左杯菠蘿薑沙冰（有薑味唔係好辣），老公飲左杯非洲咖啡（有少少威士忌酒香）

好耐冇見嘅朋友飯聚！4個人叫左幾款野share食！我鍾意薄荷野，所以揀左Fresh Green Mojito!真係成件事好fresh!朋友仔似左杯Banana Mocha !朋友話飲完好飽！我地叫左水牛雞翼（聽侍應講係新加）辣辣地！冬蔭公大蝦意（呢個好好味，唔辣）All Day Breakfast （原來窩夫配炒蛋係唔錯）Pizza Waffle (今晚好多第一次，咸食窩夫味道原來都幾夾，不過可能掛住傾計，搞到個窩夫林晒！）因為咸食叫左窩夫，所以甜品叫左件蛋糕share rainbow new york cheese cake（低糖,岩晒）

成日去旺角Home Place飲野，都幾鍾意果度環境舒服，又鍾意飲杯熱蜜桃茶，同朋友傾下偈咁。呢晚就第一次試晚餐，個什菜湯好好味，非常足料，蕃茄味好濃郁，都幾大碗下，但因太好味飲晒。我order咗carbonara意大利粉，我朋友就食煙鴨胸意大利粉，兩碟意粉都大碟，我未見過carbonara會咁足料，有好多煙肉及火腿，仲有菇，真係料多過意份，但食落味道都幾好，不過唔夠creamy，芝士味不足，如果個汁同個味道再整得rich d，就會更好食。我食咗一塊鴨胸，好淋好入味，仲係好大塊，我朋友都話個意粉整得好食，味道一流，但實在食唔晒成碟。仲有甜品夾餅，我地都食唔落了，只係飲埋杯餐茶就算，都係飲我最愛嘅熱蜜桃茶，唔太甜但茶味香濃，為晚餐劃上完美句號。

一早約左一班好友想搵一個坐得舒服既地方食飯聚舊。事前已打去訂台。可惜去到有之後叫左超過半個鐘補唔到佢既都未有野食。成班朋友十人只係得一兩朋友叫既野食到。成班人係度呆等，餓到發慌。追過幾次後，前後夾埋成個鐘至有野食到台。叫左日式咖哩牛肉飯，朋友食完覺得冇哩文味，只係勉強食左半碟就食唔落俾番佢。仲未食飽都頂唔順。再黎蜆肉長通粉，理晒譜。成碟野睇上去冇咩野汁，本身個碟底有些少汁，可惜無咩野味，仲要勁加芝士粉都唔掂，仲要加埋個些檸檬香草，不過切到一段段，搞到我幾個朋友一邊食，一邊仲要吐番條香草渣出黎。邊有人要個食客邊食邊吐番d野出黎咁搞野至得。簡直離晒大譜。唯一一樣可取既地方係落單個女仔記性好好，唔洗用筆抄都記得晒所有飲品同埋叫飲野既友人坐位。不過點樣都係補唔到呢間野咁難食呢個強大既斃病。可憐我朋友仲要完左再落街搵野食頂肚餓。

由於正正是食返時間,所以上o左間Cafe食飯...一上到去個位小姐問我食唔食煙~.~"以我所知香港所有室內地方都係禁煙的.....我坐o左係非吸煙區,叫o左個白汁硯肉通粉(味道一般,份量對於一個男人來說是不足夠)+杯xx紅茶(同飲糖水一樣)環境暗暗地,好似重未過萬聖節,謂一我覺得ok的是個街景!!!!!!!!!

個日同老公行行下街..見悶又熱..所以求其去左間cafe....見環境唔錯就入左去...我叫左個卡邦尼意粉同白汁硯肉通粉..唔錯唔錯..飲左icecream milkshake cookie &cream 同埋icecream mocha...仲有blueberry cheese cake. 個圖案幾靚..係個笑哈哈 ...爽YY員工方面.,含有親切笑容..幾有禮貌價錢不太貴..所以決定下星期再去yeahhhh

今日同老公行開旺角, 記起之前睇openrice有介紹呢間cafe, 於是上去試下.環境一般暗, 我叫左雞絲長通粉...一般, d味道好咸..老公叫左個磨菇汁腸仔意大利粉...味道都係好咸..

呢間野D服務真係差到無朋友其中一個男人(唔知係唔係老細)無笑容都算 黎到唔識講歡迎都算喇, 我地成班人玩緊果陣佢就係度大大聲傾電話 仲要爆哂粗咁真係咩mood都無哂反而D waitress就幾好service食物方面 OK飲品都幾好味不過唔serve水真係呆左GAME又少...真係無下次...

星期六晚, 羽毛球日. 五人行到這裡晚飯.由於這間 cafe 並未提供 board game 遊戲, 在這裡的人多數都係傾傾計, 吃吃飯. 不太嘈吵是這間店鋪其中一個優勝之處.是日和可愛的老婆共進了兩個美味 pasta . 由於之前已經吃過這個店鋪的水準, 所以今次我由原本喜歡吃的 南瓜意粉, 轉為 焗豬扒飯. 焗豬扒飯 : 這個 d 飯炒得吾錯, 上面的芝士 更是一絕... 豬扒一般水準. XXX 長通粉 : 這個汁濃, 所以好味. Ice Mocha : 本人極為喜歡, 好夠味道. Hot 棒子 Chocolate : 味道幾濃, 正.另外, 有兩個同伴覺得由於太近 kitchen, 所以有很大的"油"味. 邊吃邊和一班 friend 玩 card game, 也是樂事.