幸福麵館

Open Now

Now Closed

今晚約埋朋友一齊嚟探店，聽講這間店係新開嘅，距離荃灣廣場其實好近，見到招牌紅紙都未搣喎😳舖頭名門口棟咗個牌寫住購買滿$80就送一個油菜👍🏻店入面都好光猛嘅，枱面都好乾淨整潔，筷子係有個盒裝住👍🏻好衛生👍🏻枱面亦都提供紙巾👍🏻👍🏻餸有好多選擇，又有幾款係set好晒嘅車仔麵，我揀咗八寶款嗰隻👉🏻油麵、沙嗲湯底、小辣，好快碗麵就到啦，真係好大碗啊！😋油麵份量真係好多，麵質軟硬適中👍🏻餸係呀牛腩、魷魚、豬皮、蘿蔔、長洲魚蛋、牛丸兩粒、豬紅、通菜，最好味就係蘿蔔，蘿蔔又甜，推介推介!牛腩都好入味同埋好軟，豬紅都好食，牛丸魚蛋呢都正正常常，稍為失色嘅就應該係魷魚紅豬皮，豬皮唔入味，而且唔爽口。講返個湯底，沙嗲湯底小辣，我再加咗啲辣菜脯嘅，味道係可以嘅，不過最好就係如果可以沙嗲味再濃啲會更好。另一碗係三餸配米線豬骨濃湯，豬骨濃湯真係好濃味，湯底值得推介👍🏻米線都淥得啱啱好彈呀唔會過淋，都係一樣豬皮唔爽，蘿蔔依然都係好甜冇渣😋芝士炸雲吞，新鮮熱辣卜卜脆👍🏻肉燥生菜👉🏻肉燥都幾濃味👍🏻配熱飲只係需要加$3啫。我見到佢有部即磨咖啡機，如果配熱咖啡的話就係呢個折磨咖啡啦。