Food Combo (Closed)

之前都嚟食過一次，見佢個Menu好似唔同咗，同朋友約喺屯門食飯而呢間餐廳都近西鐵站，所以又來食啦!! 坐低咗之後通常望吓周圍啲人食乜，然後跟住嗌，見到碟碟份量都好大，我哋個Ribs都唔執輸，份量非常大，佢個蘋果肉桂燒烤醬好好味，酸酸辣辣的，最怕豬肋骨細條冇乜肉食，呢度完全冇呢個情況，肉係軟淋亦都容易離骨，薯條又係超多而且仲脆，朋友食咗好多薯條!! 番茄大蝦扁意粉，意粉好能夠掛汁，都屬於濃味，配料大蝦同菇都唔會話得好少，我食完ribs都飽咗一大半，再食完意粉飽到上心口!! 鳳梨冰而家做緊特價，$22一杯都幾抵飲，唔算死甜又有菠蘿食到!!