福源川香閣

Open Now

Now Closed

好耐無食過酸菜魚，上網搵左間風評幾好既四川菜館，係灣仔區方便我收工去。先飲個菜乾豬骨湯，一大碗老火湯味道一流，正。手拍青瓜川菜硬係會加左辣椒碎，酸辣既拍青瓜令你更口胃口。雖然話係前菜姐，都幾大碟。酸菜鱸魚點左店家主打既加州鱸魚，小份已經係超過兩個人嘅份量。有好多魚肉，酸菜，炒過既香菇，同薯粉。魚肉薯粉滑滑，加上小辣，食得夠過癮!糖醋排骨糖醋排骨酸酸甜甜，真係做得好出色，比起平時食開既咕嚕肉無左層炸醬，啖啖肉好食得多。金蒜粉絲蒸娃娃菜本身諗住食多啲菜，點知係一大碗上！ 粉絲同娃娃菜索哂金蒜既香氣同味道，最中意咁樣煮粉絲，特別滋味，我仲特別叫咗少油。想講個茶真係好好飲，幽香味微甜，後勁帶點回甘，同普通茶相比實在係與眾不同，細問下原來係野生菊花茶。最後要讚讚待應好有耐性答我地啲餸既size同份量大概幾多，有個仲係我哋食緊時再留叫我哋參考下隔離枱剛上既菜，隔左咁耐都記得，好有心呀。