Video
Read full review
2019-12-12
439 views
中環番工既應該都知萬宜有間lunch又抵又好食既和民。今晚OT耐左我地決定黎食晚餐，呢度有四款二人餐，由三百幾到九百幾都有，適合唔同budget既大家。我地見$498呢個有天婦羅又有刺身，就揀左呢款豪華二人餐。呢度上菜超快，10分鐘內已經上曬。我地隔離枱仲係日本人添，真係幾正宗。<凱撒沙律>係好經典既羅馬菜、番茄仔、麵包脆脆、煙肉加芝士碎呢個配搭。配上凱撒沙律醬，夠曬開胃。<五點刺身盛合> 有厚切油甘魚、薄切三文魚、帶子、甜蝦、三文魚籽。擺得好靚，食落都夠鮮。<鮭魚溶岩壽司卷>呢個真係賣相幾靚，係熱食黎既，入面係熟既三文魚，配左啲沙律醬同半溶芝士。真係好正，係飽肚既主食。<大海老天婦羅盛合>真係超大碟，有五條天婦羅蝦。每條都超巨型，個炸皮唔算話好薄，但係入面啲蝦都幾鮮嫩。<炙燒珍寶雞腿>真係幾珍寶，好大份，而且個汁甜甜地，本身雞腿肉就係嫩滑多汁，配啲沙律醬真係超美味。<九州和牛壽喜燒鍋>和牛份量唔算多，有四塊左右，都幾嫩幾有牛味。下面有啲菜有啲菇，個壽喜燒湯甜甜地好正，真係想追加個烏冬飲埋啲
<凱撒沙律>
係好經典既羅馬菜、番茄仔、麵包脆脆、煙肉加芝士碎呢個配搭。配上凱撒沙律醬，夠曬開胃。
凱撒沙律
15 views
0 likes
0 comments
<五點刺身盛合>
有厚切油甘魚、薄切三文魚、帶子、甜蝦、三文魚籽。
五點刺身盛合
14 views
0 likes
0 comments
<鮭魚溶岩壽司卷>
呢個真係賣相幾靚，係熱食黎既，入面係熟既三文魚，配左啲沙律醬同半溶芝士。
鮭魚溶岩壽司
11 views
0 likes
0 comments
<大海老天婦羅盛合>
真係超大碟，有五條天婦羅蝦。
海老天婦羅盛合
9 views
0 likes
0 comments
<炙燒珍寶雞腿>
真係幾珍寶，好大份，而且個汁甜甜地，本身雞腿肉就係嫩滑多汁，配啲沙律醬真係超美味。
炙燒珍寶雞腿
12 views
1 likes
0 comments
<九州和牛壽喜燒鍋>
和牛份量唔算多，有四塊左右，都幾嫩幾有牛味。下面有啲菜有啲菇，個壽喜燒湯甜甜地好正，真係想追加個烏冬飲埋啲湯但係真係太飽喇。
九州和牛壽喜燒鍋
13 views
0 likes
0 comments
<飲品>
本身跟餐有飲品，我地揀左熱檸茶同熱蜂蜜生薑茶。好欣賞呢度就算熱飲都係透明杯，影相都係咁靚哈。
<雨滴餅>
最後甜品都好正，係呢個透明蒟蒻配黃豆粉仲有蜜糖，係個冰涼爽口既美味甜品，味道唔會好甜。
雨滴餅
11 views
0 likes
0 comments
今晚晚餐食得超飽超滿足，和民原來晚餐都咁抵食，第日真係黎多啲喇！
Post
