龍記小廚

Open Now

Now Closed

繼續瘋狂生日飯，今次揀咗呢間，原因係好想食佢隻燒雞。果然皇天不負有心人，隻雞真係幾出色。個皮夠脆，隻雞應該吊得乾身，炸出嚟就有呢個效果。加上冇乜肥膏，食完之後罪惡感冇咁大。整體食物份量唔算大份，七個人咁樣叫好似唔係好夠食。味道各方面確實出色，不過第一味嚟嘅糖醋骨就教個醋教得酸咗少少。好彩之後啲咕嚕肉同埋香酥骨都好好食外脆內嫩超有肉汁。個閃煲個味都整得幾好唔覺有泥味，但係都係細件咗少少。個炒飯都炒得幾乾身，但係個蟹膏嘅話就怪少少，如果唔落可能更加出色。事次用餐均自費。