Video
Read full review
2009-12-09
27 views
好耐之前已經留意到呢間印度餐廳, 嗰日終於有機會黎試. 我第一次去一間咁有印度local味既餐廳, 廳餐入面有好多好印度既裝潢, 而且比我一般去既印度餐廳黎得正式同整潔. 7點去到都仲係無咩人, 待應生問清楚我哋係無訂枱之後就帶我哋去左窗邊位坐底.想左黎好耐, 但係無諗過要食咩. 反正黎印度餐廳一定要食印度簿餅同咖喱嫁啦! 雖然餐牌有中文菜名, 不過有d野仍然都係唔係咁sure係d咩野. 不過見到佢d印度簿餅有咁多款就已經好開心. 平時好鐘意食印度薄餅, 不過平時都係得一兩款揀. 見到呢到有咁多款, 決定叫一款平時未見過既黎試下, 再叫個咖喱, 加個前菜. Pani Poori (酥炸脆麥球配甜酸濃汁及薯仔) $42: 淨係睇個名既時候, 我以為會好似酒樓嗰d炸蝦球咁, 成個波都係炸出黎咁. 但係呢味菜上枱既時候同我想像中既都幾大出入. 佢係一塊脆脆既麥片, 上面放左一堆類似薯仔沙律, 再淋左d甜酸汁係上面. 一口一個, 嗰塊墊底既野好脆, 好似薯片咁, 但係我又唔出佢係炸出黎咁油, 反而覺得佢好似烘過黎咁. 加埋面頭嗰個酸酸地既汁, 作為餐前小食開胃認真啱!Chicken masal
我第一次去一間咁有印度local味既餐廳, 廳餐入面有好多好印度既裝潢, 而且比我一般去既印度餐廳黎得正式同整潔. 7點去到都仲係無咩人, 待應生問清楚我哋係無訂枱之後就帶我哋去左窗邊位坐底.
想左黎好耐, 但係無諗過要食咩. 反正黎印度餐廳一定要食印度簿餅同咖喱嫁啦! 雖然餐牌有中文菜名, 不過有d野仍然都係唔係咁sure係d咩野. 不過見到佢d印度簿餅有咁多款就已經好開心. 平時好鐘意食印度薄餅, 不過平時都係得一兩款揀. 見到呢到有咁多款, 決定叫一款平時未見過既黎試下, 再叫個咖喱, 加個前菜.
Pani Poori (酥炸脆麥球配甜酸濃汁及薯仔) $42: 淨係睇個名既時候, 我以為會好似酒樓嗰d炸蝦球咁, 成個波都係炸出黎咁. 但係呢味菜上枱既時候同我想像中既都幾大出入. 佢係一塊脆脆既麥片, 上面放左一堆類似薯仔沙律, 再淋左d甜酸汁係上面. 一口一個, 嗰塊墊底既野好脆, 好似薯片咁, 但係我又唔出佢係炸出黎咁油, 反而覺得佢好似烘過黎咁. 加埋面頭嗰個酸酸地既汁, 作為餐前小食開胃認真啱!
Chicken masala 咖喱雞 $95: 咖喱雞同烤餅一齊上枱既時候候, 我確實係有5分鐘時間去懷疑呢個咖喱雞係唔係我order嗰個, 定係烤餅都會送個小咖喱點既呢? 不過係5分鐘之後我見無人再ling野上黎我就知呢個就係價值$95既咖喱雞!! 味道唔錯, 都幾辣, 但係好惹味. 但係個size實在太~~~~~ 迷你喇! 得三舊雞~~~ 幾好味都好難說服我呢碟野值 $95....
Peshawari Naan 果仁提子烤餅 $30: 呢到既烤餅唔係用黃油烤到一層層嗰種, 要係烘出黎嗰種. 口感唔錯. 果仁提子永遠都係好配搭, 放入烤餅一樣得, 幾特別!
食完以上三碟之後, 其實都唔係幾夠飽, 不過因為d呢到d野唔係咁值呢個價, 所以就埋單走人出去食過. 埋單後送上幾樽開頭唔知係咩黎既野. 同朋友研究左一陣子之後, 我決定舉手問waiter. 原來係印度口香糖~~~ 第一啖放落口既時候有d怪怪地, 不過含左一陣就發現個味道都幾特別. 同埋, 除咖喱味真係一流...
Post