NUTMAD cafe and dining (Moved) New Location

觀塘工業區不嬲都好多特色西餐廳，今次試左一間好近大馬路嘅fusion 西餐廳。價錢略貴，主菜份量唔多，但整體食物質素唔錯👍🏻👍🏻🐷慢煮黑毛豬配咖啡香料：黑毛豬啲肉好有肉味，醬汁偏甜，配埋咖啡香料苦苦地，好特別。🐮美國頂級牛肩：叫左五成熟，燒得啱啱好，好嫩滑，一啲都唔靭😋😋😋🦀松葉蟹件蘑菇開心果醬香草意大利麵：份量唔多，松葉蟹件細左少少🤏🏻但整體味道唔錯，開心果醬幾特別👍🏻👍🏻三個人食其實唔算太飽，所以又叫左兩份甜品🤣🤣🤣法式多士，焦糖香蕉，雪糕:多士好重蛋味，雖然好多人都推介，但個人覺得麻麻地。雪糕同焦糖香蕉就幾好味😋NUTMAD tiramisu ：碎上嘅tiramisu,真係將份tiramisu拆件咁上，咖啡自己另外加。我就麻麻哋，但朋友好鍾意。要讚一讚，咖啡幾好飲。👍🏻環境都好大，坐得幾舒服。