Video
Read full review
2008-08-15
28 views
八月八日, 星期五, 同班同事嚟咗食午飯, 今次冇帶相機, 所以冇得影相...記得好耐以前食過青衣果間幾得, 所以諗住嚟試吓佢既 set lunch, 點知...呢度望落去個裝修幾靚幾特別, 但感覺唔太好... 我哋坐底亦覺得唔多妥, 六個人畀張四人圓檯我哋, 好迫喎! 又唔係冇位, 仲有勁多位喎.....我哋要求轉長檯, 不過又到啲座位唔多舒服, 但唔轉位啦!之後諗完一大餐, 最後決定叫四個飯餐一齊食,即係一個餸跟一碗飯同一小碟前菜, $42 - $45 左右,有蝦仁炒蛋、咕嚕肉、葱炒牛肉片、素菜豆腐及汁煮雜菇,其中咕嚕肉叫咗兩份, 因為呢個套餐得五個菜揀, 另外仲有啲麵餐同泡飯餐既。一嚟到, 真係嚇到我哋出唔到聲, 啲餸細碗到以為係小食囉!!! 連兩個素菜都唔例外, 份量勁少, 就算係女仕都唔夠食果隻!!本來唔夠食到想加餸, 但諗過都唔抵, 又貴又怕佢份量勁少, 所以冇再叫嘢食, 我哋成班直頭一路食一路諗定叫咩下午茶啦! 至於啲餸既味道一般, 冇乜特別。另外果杯跟餐既四寶茶又係離晒譜! 啲茶唔夠熱, 焗唔夠茶香味之餘, 啲茶本身亦好差, 澀既?!! 我飲咗兩啖都唔想再飲落去!雖
記得好耐以前食過青衣果間幾得, 所以諗住嚟試吓佢既 set lunch, 點知...
呢度望落去個裝修幾靚幾特別, 但感覺唔太好...
我哋坐底亦覺得唔多妥, 六個人畀張四人圓檯我哋, 好迫喎! 又唔係冇位, 仲有勁多位喎.....
我哋要求轉長檯, 不過又到啲座位唔多舒服, 但唔轉位啦!
之後諗完一大餐, 最後決定叫四個飯餐一齊食,
即係一個餸跟一碗飯同一小碟前菜, $42 - $45 左右,
有蝦仁炒蛋、咕嚕肉、葱炒牛肉片、素菜豆腐及汁煮雜菇,
其中咕嚕肉叫咗兩份, 因為呢個套餐得五個菜揀, 另外仲有啲麵餐同泡飯餐既。
一嚟到, 真係嚇到我哋出唔到聲, 啲餸細碗到以為係小食囉!!!
連兩個素菜都唔例外, 份量勁少, 就算係女仕都唔夠食果隻!!
本來唔夠食到想加餸, 但諗過都唔抵, 又貴又怕佢份量勁少, 所以冇再叫嘢食,
我哋成班直頭一路食一路諗定叫咩下午茶啦!
至於啲餸既味道一般, 冇乜特別。
另外果杯跟餐既四寶茶又係離晒譜! 啲茶唔夠熱, 焗唔夠茶香味之餘,
啲茶本身亦好差, 澀既?!! 我飲咗兩啖都唔想再飲落去!
雖然話呢間係「麵館」, 可能啲麵好食, 但既然出得噃餐, 唔該唔好咁差吖!
仲要一個餐收我哋四十幾蚊再加一, 呢間嘢真係以後都唔會再幫襯!!
更詳細資料請看 : http://hk.myblog.yahoo.com/joycewai616/article?mid=10013
Post