濟州燒肉食堂

Open Now

Now Closed

上個月去完釜山返嚟仲真係好掛住啲韓國美食Weekend去到德福廣場行街嘅時候見到濟洲燒肉食堂二話不說就入咗去試下！餐廳入面有大量卡位，店員安排我哋坐門口位置大圓枱，擺野食更方便唔會逼夾又坐得舒適。前菜種類包羅萬有，包括有泡菜、菠菜、芽菜及海帶，爐端燒四周嘅芝士粟米和泡菜蛋是可以免費Refill的！海鮮煎蔥餅用料十足既海鮮蛋餅，煎餅入面包括鮮蝦，魷魚，小元貝等等再加埋勁多蔥花去煎呢個蛋餅如果再放佢係煎Pan都煎多兩下就更香口更惹味。一條五花肉五花肉肥瘦均勻，店員親自幫手燒，兩邊燒到金黃色，肉香味包勻全場，咬落好爽口，再點Wasabi，不嗆口帶點清新，味道幾特別。大蔥切牛舌牛舌軟嫩多汁，爽口彈牙嘅口感，配上少許香蔥同燒肉醬汁，令到牛舌更香口更入味。月見牛肩肉肩肉配搭溫泉蛋醬汁，燒爐火力好夠，點埋醬汁令到肉味昇華。和牛牛五花:唔會好肥但一樣咁軟腍, 肉味好鮮黑米冷麵食完咁多美味嘅肉類之後食番個麵解解膩而且酸甜嘅味道真係好醒胃，麵入面加左蛋、蘿蔔絲、青瓜絲，食落清新解膩。濟洲/柑橘梳打近日天氣炎熱飲番杯清新嘅柑橘梳打真係一流，柑橘嘅酸甜味道同梳打水嘅氣泡結合，帶來一種清爽嘅口感！