Video
Read full review
2020-06-18
3690 views
好耐都冇約朋友出街食飯 朋友介紹呢間喺尖沙咀嘅居酒屋 今晚就嚟試吓😺餐廳就喺K11附近 地點算係幾方便 門口用木嚟做主色 木趟門令到日本居酒屋嘅感覺出晒嚟🏮 入到去就見到餐廳唔算大 設計好有居酒屋風味 真係好似去咗日本咁🇯🇵七味魚翅干 有啲似零食店嘅魚乾 不過厚身好多 真係有魚肉 而且魚骨一啲都唔硬 同魚肉嘅口感差不多 食落口有啲甜甜地 後續會有少少辣味 送酒真係一流呀🐟燒明太子 味道鹹鹹鮮鮮 加上明太子本身嘅辣味 夠晒惹味 又係送酒一流嘅小食🥃蒲燒鰻魚飯 🐠 呢碟真係好有驚喜呀 份量係全條鰻魚喺個飯上面 鰻魚好厚身 食落口齒頰留香三文魚籽紫菜胡麻冷麵 麵質幾煙韌 個麵唔會雪到太硬 麻醬好fresh 三文魚籽都份量幾多😛百香果乳酸梳打 同 巨峰提子乳酸梳打🍇 兩杯飲品都酸酸甜甜 好適合夏天消暑 個人會推介百香果乳酸梳打多啲而家因為疫情有排都去唔到旅行 所以嚟呢啲有特色嘅居酒屋食吓野都未嚐唔係一個好嘅選擇🤓
好耐都冇約朋友出街食飯 朋友介紹呢間喺尖沙咀嘅居酒屋 今晚就嚟試吓😺
餐廳就喺K11附近 地點算係幾方便 門口用木嚟做主色 木趟門令到日本居酒屋嘅感覺出晒嚟🏮 入到去就見到餐廳唔算大 設計好有居酒屋風味 真係好似去咗日本咁🇯🇵
七味魚翅干 有啲似零食店嘅魚乾 不過厚身好多 真係有魚肉 而且魚骨一啲都唔硬 同魚肉嘅口感差不多 食落口有啲甜甜地 後續會有少少辣味 送酒真係一流呀🐟
燒明太子 味道鹹鹹鮮鮮 加上明太子本身嘅辣味 夠晒惹味 又係送酒一流嘅小食🥃
蒲燒鰻魚飯 🐠 呢碟真係好有驚喜呀 份量係全條鰻魚喺個飯上面 鰻魚好厚身 食落口齒頰留香
三文魚籽紫菜胡麻冷麵 麵質幾煙韌 個麵唔會雪到太硬 麻醬好fresh 三文魚籽都份量幾多😛
百香果乳酸梳打 同 巨峰提子乳酸梳打🍇 兩杯飲品都酸酸甜甜 好適合夏天消暑 個人會推介百香果乳酸梳打多啲
而家因為疫情有排都去唔到旅行 所以嚟呢啲有特色嘅居酒屋食吓野都未嚐唔係一個好嘅選擇🤓
Post
