Video
Read full review
2021-08-20
427 views
平時如果要去cafe，多數都係九龍為主，一直都好少喺港島搵，因為選擇唔多，今次終於搵到一間喺灣仔區，食物質素可以、價錢合理、更甚新環境非常靚、好適合打卡嘅一間Cafe。呢間餐廳係一間灣仔春園街既人氣Cafe，以黑白為主題，有唔少嘅打卡位，有唔少人特登慕名而來，喺網上可以見到連Elva都嚟過，bookmark咗好耐嘅我今次終於有機會嚟到。餐廳個入口如果喺莊士敦道行入去會有啲難搵，因為個入口完全係背向條街，但係莊士敦道行入去春園街，向上望就會見到餐廳，因為會特別見到一間白黑色嘅餐廳，而且有露台，入口喺眼鏡舖隔離，都係廉記冰室隔離，見到連門口都係白色嘅入口，你就知冇入錯。門口已經好似有個童話故事，黑白線條都係人手繪畫，同春園街形成強烈嘅對比，上樓梯兩邊既牆都係黑白壁畫，就好似入咗一個秘密花園。走上一層之後，成個以黑白為主既餐廳設計便入眼簾，餐廳入邊的壁畫、牆壁、櫃檯同門口一樣，都係由一班大學生手繪，遠睇好似貼紙痴上去咁，好似入咗漫畫世界咁，2D既畫滑到好似3D咁，每一個角落都係打卡位，裝潢簡約黎得帶點夢幻，令人好佩服店主咁有心思設計。細心留意牆身嘅畫每一幅都唔同，美感十足，另外如果大家想去洗
呢間餐廳係一間灣仔春園街既人氣Cafe，以黑白為主題，有唔少嘅打卡位，有唔少人特登慕名而來，喺網上可以見到連Elva都嚟過，bookmark咗好耐嘅我今次終於有機會嚟到。
餐廳個入口如果喺莊士敦道行入去會有啲難搵，因為個入口完全係背向條街，但係莊士敦道行入去春園街，向上望就會見到餐廳，因為會特別見到一間白黑色嘅餐廳，而且有露台，入口喺眼鏡舖隔離，都係廉記冰室隔離，見到連門口都係白色嘅入口，你就知冇入錯。
門口已經好似有個童話故事，黑白線條都係人手繪畫，同春園街形成強烈嘅對比，上樓梯兩邊既牆都係黑白壁畫，就好似入咗一個秘密花園。
走上一層之後，成個以黑白為主既餐廳設計便入眼簾，餐廳入邊的壁畫、牆壁、櫃檯同門口一樣，都係由一班大學生手繪，遠睇好似貼紙痴上去咁，好似入咗漫畫世界咁，2D既畫滑到好似3D咁，每一個角落都係打卡位，裝潢簡約黎得帶點夢幻，令人好佩服店主咁有心思設計。細心留意牆身嘅畫每一幅都唔同，美感十足，
粉碟花之丘
$88
24 views
1 likes
0 comments
另外如果大家想去洗手間，不妨係呢一對壁畫入邊搵，因為非常低調，唔細心留意壁畫嘅圖案係搵唔到。
樓梯上到黎見到嘅梳妝台，絕對係為少女打卡而設。
傢俬、餐具都係精心挑選過，都係以白色、米色為主，每一個角落都係別出心裁既擺設同設計，
另外佢哋嘅餐墊會特別用一張黑色、一張白色做對比，唔同嘢食擺上去都會有唔同效果，好有視覺效果。
入面面積好大，睇唔到盡頭，由門口行到去餐廳最盡頭，可能30秒都唔夠，座位好多，座位都坐得舒服。雖然餐廳係白色為主，白色通常都會比較易污糟，但睇落餐廳係幾乾淨。餐廳會播住純音樂，當晚我聽到嘅係宮崎駿嘅音樂，邊食邊聽住好舒服。雖然係夜晚八點嚟到餐廳，但其實人數唔算多，唔知係因為餐廳太大定點，所以餐廳係一啲都唔嘈，環境幾清靜，啱哂同朋友坐低慢慢傾計。即使隔離係人來人往既春園街， 但係上到黎完全感覺唔到樓下既吵鬧，與世隔絕咁，令人都放慢平時急速既步伐。
花見
$78
4 views
1 likes
0 comments
環境固然係高分，當然都要睇吓食物質素，睇過餐牌，餐廳主打下午茶同埋fusion西餐，選擇都幾多，因為我係夜晚去所以有個dinner 主菜，淨係夜晚都已經有18個餐可以揀，有意粉、海鮮、韓式年糕、飯團、漢堡、魚柳、豬肋骨、肉眼扒，當中嘅虎蝦海鮮冬陰功韓式年糕絕對係fusion菜之一。
所有主菜加錢可以加配餐湯、沙律同咖啡或茶。
另外除咗主食，仲有單點嘅Menu，好似有沙律、餐湯、小食、薄餅同重點既甜品同飲品，岩哂唔同人嘅口味。
-
1️⃣ 粉碟花之丘 💰88（👅: 8/10）
ULURU Rose Tea
$52
7 views
1 likes
0 comments
甜品賣相非常有驚喜，好似一個盆栽咁，泥上面有玫瑰，上面有可食用花瓣做點綴，同幾粒苺做伴碟。
其實係brownie、朱古力mousse同朱古力Crumble既組合，好似泥土既crumbles，食落好似曲奇碎，而brownie朱古力mousse收埋在係堆泥入面，咬落順滑，食落就好似濃縮既朱古力醬。
最後就係甜品最靚既一部分，係紅粉藍漸變色既透明拉糖組成，拉到呢個色同形狀絕對要技巧，因為係手拉次次都唔同樣，某啲部分會比較脆弱，可能敲碎黎食，其他就要就咁咬，食落係普通既硬糖，同朱古力一齊食會更好。
甜品份量其實唔多，幾啖就食晒，如果作為甜品未必夠飽，比起攞嚟食打卡更適合，係好有心思製作出黎既甜品，視覺比起味覺更加有衝擊。
-
2️⃣ 花見 💰78（👅: 7.5/10）
Lavender Dream
$52
12 views
1 likes
0 comments
甜品賣相同樣精緻，打卡一流，係一個玫瑰啫喱加芝士蛋糕，周圍有玫瑰花碎同木糠包圍住，賣相都精緻，不過比起粉碟花之丘無咁夢幻。
上層係玫瑰啫喱，啫喱入面有玫瑰花瓣，玫瑰花味唔算重，但香味就重，啫喱似食緊大菜糕，味道唔太有，連埋下層食會更好。
下層係芝士慕絲，而且有檸檬味，食落酸酸甜甜幾開胃，連埋周圍嘅木糠餅碎食，口感豐富，唔會太甜太膩。
-
3️⃣ ULURU Rose Tea 💰52（👅: 8.5/10）
呢杯玫瑰茶係招牌之一，用左花瓣同食用色素作為裝飾，賣相精美絕倫，成杯藝術品，咁比起Lavender Dream更勝一籌。店員有提醒飲個時要小心，因為杯出面都有紅色色素同玫瑰花瓣碎花既裝飾，摸到隻手會污糟。
飲落玫瑰花香好濃，玫瑰味幾清新，唔會過於濃烈，加上士多啤梨既甜味酸味，幾開胃，帶有少少迷迭香既味道，好易入口，飲落唔算太甜，甜度適中，花香完全可以中和到甜品既膩感，唇齒留香。
飲品非常之大杯，飲哂都飽左一半，非常有心思整到杯野飲又睇得又飲得，比起甜品更出色。
-
4️⃣ Lavender Dream 💰52（👅: 8/10）
呢杯伋一杯荔枝果茶，杯口上面掛左一粒荔枝，荔枝食清甜可口，同rose tea一樣，杯出面噴上紫色色素，賣相吸引。
荔枝果茶飲落荔枝茶味重，唔算好甜，帶小小薰衣草香氣，清新可口，消膩一流，唔會覺得係好假既甜味。上面有啲薰衣草花瓣，令顏色鮮豔唔小，提香為主，但唔建議飲，因為花瓣既薰衣草超重，唔係個個都接受到，荔枝果茶比較常見，我個人更鍾意rose tea。
-
🌟 環境黎講絕對係高分，首先地方夠大，環境舒適闊落，以香港CAFE嚟講係好小見，打卡位同樣多，唔會話比人坐左邊個位就無得打卡，絕對可以邊食邊影相。餐廳設計絕對係獨一無二，主題鮮明，好有特色，絕對可以CHILL足一個下午，如果你係好鍾意打卡既人，絕對好適合你。
以下午茶價錢黎講唔算貴，甜品方面係正常CAFE價錢，而其他野食同主食價錢合理。食物質素正常，甜品賣相精緻，睇得又食得，主食份量大份夠食飽，不過甜品可能要等耐小小，如果係趕時間既你可以唔太適合，但諗住慢慢坐係咁影相就岩哂。
店員服務態度非常好，因為我想影靚啲相要求轉位，店員都好樂意安排，而且係食完個時，店員都話可以隨便影相，而且會主動介紹邊個位影相靚，鍾意影相既你絕對會鍾意呢度。最重要係呢間CAFE係年輕人開嘅良心小店，值得支持一去再去。
-
👅味道: 8/10
🍴環境: 9/10
💰消費: $270 (服務費: 10%)
Post
