煮你隻蜆 (Moved) New Location

喺葵涌廣場企喺度食白酒牛油煮蜆，居然毫無違和感😆。當我知道葵廣有間專食蜆嘅良心店，就一早 bookmark 定，早排喺附近做完嘢，當然要去幫襯。原來又係一間鏡粉店😂，邊食邊聽歌，仲要咁啱係一首非常鍾意嘅，真係超級享受🤩。講返啲蜆，其實好好食，蜆肉鮮甜，仲有香濃嘅蒜味同牛油味；粉絲好吸湯，食嘅時候沾滿濃濃嘅湯底，勁正😍；如果鍾意食芫茜嘅，可以好似我咁追加多份勁爆茜，咁成個 package 就好完美喇😌。不過呢份有十一隻蜆嘅爆茜湯粉絲埋單要 $51，值唔值得就見人見智，我就覺得好 ok 喇。