Video
Read full review
2020-10-29
299 views
冇睇openrice食評衝入去後果 周未2個人見到呢間好似唔錯又冇乜人就咁行入去食，點知就伏左。 個menu 選擇唔多 亦都冇跟set全部野都要單叫。主食方面簡左個安格斯西冷牛扒 148蚊 同芝士通心粉，咁冇留意原來有分大細架啦（第一次聽）黎到時塊野應該係正常出去食既2分1簿 大細都應該得5分2到手掌仲大個塊扒 同塊大d既豬頸肉有咩分別？味道方面就不過不失，牛味唔係特別出眾，求其去買塊唔差既牛扒都煎到出黎既水準囉。但個重點都係太細，而且menu冇明確寫究竟係咩size，只係有大細分。 至於通心粉黎到戈陣有d硬 同埋有d澀，味道就不過不失，28蚊黎講叫做符合價格。 跟著又叫左個蟹肉三文魚沙律78蚊（唔記得影），個沙律好乾汁勁少 叫左佢拿多d汁加完都係好乾，似食緊草咁，而且蟹肉勁少得幾塊，食落去又鞋，個三文魚就普普通通少少偏鹹，用黎溝沙律係唔錯但係個沙律實在太乾，而且蟹肉咁少好心就咪寫出黎話蟹肉三文魚沙律啦。 最後，唯一一個值得叫既就係芝士溫泉蛋大啡菇28蚊，咬落係會爆汁，淡淡菇香同埋鹹味會一下沖落個口腔度，係幾好食 ，亦都係唯一一個唔伏既食物。最後埋單282 ，2個
周未2個人見到呢間好似唔錯又冇乜人就咁行入去食，點知就伏左。
個menu 選擇唔多 亦都冇跟set全部野都要單叫。主食方面簡左個安格斯西冷牛扒 148蚊 同芝士通心粉，咁冇留意原來有分大細架啦（第一次聽）黎到時塊野應該係正常出去食既2分1簿 大細都應該得5分2到手掌仲大個塊扒 同塊大d既豬頸肉有咩分別？味道方面就不過不失，牛味唔係特別出眾，求其去買塊唔差既牛扒都煎到出黎既水準囉。但個重點都係太細，而且menu冇明確寫究竟係咩size，只係有大細分。
安格斯西冷牛扒
$148
9 views
0 likes
0 comments
至於通心粉黎到戈陣有d硬 同埋有d澀，味道就不過不失，28蚊黎講叫做符合價格。
芝士通心粉
$28
21 views
1 likes
0 comments
跟著又叫左個蟹肉三文魚沙律78蚊（唔記得影），個沙律好乾汁勁少 叫左佢拿多d汁加完都係好乾，似食緊草咁，而且蟹肉勁少得幾塊，食落去又鞋，個三文魚就普普通通少少偏鹹，用黎溝沙律係唔錯但係個沙律實在太乾，而且蟹肉咁少好心就咪寫出黎話蟹肉三文魚沙律啦。
最後，唯一一個值得叫既就係芝士溫泉蛋大啡菇28蚊，咬落係會爆汁，淡淡菇香同埋鹹味會一下沖落個口腔度，係幾好食 ，亦都係唯一一個唔伏既食物。
芝士溫泉蛋大啡菇
$28
11 views
0 likes
0 comments
最後埋單282 ，2個人都唔飽，我地已經算細食，lunch280蚊2個食唔飽真係有d過份，同埋服務一般開聲叫待應唔知係聽唔到定點掂行掂過，環境唔差但係燈光好暗，餐廳d字又難睇，背景音樂又有少少大聲，說不上係一個休閒食野既地方，最重要個menu冇注明牛扒具體大細呢個地方真係好伏，唔會再襯。Post
