Video
Read full review
2024-06-15
2234 views
今日慶祝父親節，夜晚揀咗每人$418嘅set，又話有龍蝦任上，俾佢伏咗入嚟。一開始上咗個茶碗蒸，還好，跟住每人一碗花膠湯，有嚿花膠喺入邊但係好難飲，唔係見仁見智，而係真正客觀嘅難飲。之後就上咗個雞煲，雞同洋蔥普普通通冇乜特別，還過得去。佢出邊擺啲餸任夾，但啲菜好似冇洗過咁。之後就上重頭戲啦，要我哋揀湯底，我揀咗蕃茄湯，跟住佢用個湯去蒸海鮮，包括帶子扇貝鮑魚同埋龍蝦。嗰陣時我已經覺得唔掂，因為有浸臭味傳出嚟，原來係個蕃茄湯嘅問題。我人生未試過聞到啲咁難聞嘅蕃茄湯味，你以為佢係正常嗰啲鮮茄味，但係佢係啲濃郁嘅臭味。之後煲咗一陣開蓋，先唔講啲龍蝦韌度成嚿橡筋咁，其他全部都難咬到食唔落。勉強搞掂完啲蒸嘅嘢，去到最地獄嘅環節，打邊爐。基本上佢所有嘢都有陣噏味，再加埋落啲臭嘅蕃茄湯，再點啲我出去攞嘅咸到發騷嘅豉油，成個味覺體驗直接落咗地獄。我而家食咗一半就唔想食落去所以喺度寫食評，希望唔好再有人中伏🙏🏿
一開始上咗個茶碗蒸，還好，跟住每人一碗花膠湯，有嚿花膠喺入邊但係好難飲，唔係見仁見智，而係真正客觀嘅難飲。
之後就上咗個雞煲，雞同洋蔥普普通通冇乜特別，還過得去。
佢出邊擺啲餸任夾，但啲菜好似冇洗過咁。
之後就上重頭戲啦，要我哋揀湯底，我揀咗蕃茄湯，跟住佢用個湯去蒸海鮮，包括帶子扇貝鮑魚同埋龍蝦。嗰陣時我已經覺得唔掂，因為有浸臭味傳出嚟，原來係個蕃茄湯嘅問題。我人生未試過聞到啲咁難聞嘅蕃茄湯味，你以為佢係正常嗰啲鮮茄味，但係佢係啲濃郁嘅臭味。
之後煲咗一陣開蓋，先唔講啲龍蝦韌度成嚿橡筋咁，其他全部都難咬到食唔落。
勉強搞掂完啲蒸嘅嘢，去到最地獄嘅環節，打邊爐。
基本上佢所有嘢都有陣噏味，再加埋落啲臭嘅蕃茄湯，再點啲我出去攞嘅咸到發騷嘅豉油，成個味覺體驗直接落咗地獄。
我而家食咗一半就唔想食落去所以喺度寫食評，希望唔好再有人中伏🙏🏿
Post