京都一の傳

16/03 下午買外賣，以為有特價，就想試吓啦。買咗一份燒牛肉井（原價$118特價$88），一份海鮮刺身飯（原價$285特價$228），跟著追加藏味噌漬銀鱈魚（原價$168特價$138，但係實收$288😭），全單共收$604，亦令一張單追加份風唐揚雞肉（原價$68特價$48）等咗大概20分鐘左右可以攞外賣，拎咗就趕住走，點知開出嚟食先發現，完全無諗過追加份銀鱈魚係生架！刺身就預咗係生啫，但係藏味味噌銀鱈魚都係生就完全出人意外，服務員無提過賣生魚要煮喎，如果追加係生要煮，份雞都應該係生，雞就煮熟咗。想知發生咩事，查吓張單，睇吓有冇喊錯嘢，唔睇猶自可一睇之下仲發現生銀鱈魚貴過成碗海鮮刺身飯！$288 貴不單止，仲要係生嘅一舊魚！真係估唔到會差到咁😖