Macky's (Closed)

見rating都ok晚餐試下，點知中伏…餐廳位置唔大既，但枱有小小黐立立，叫左一個牛肉burger和明太子意粉，上菜係算快既。首先牛肉burger, 塊牛肉係幾厚身，但整得熟得制，比較乾身同埋鞋，配埋成個burger食又無咩味，個包又整得比較燶，配料加埋一齊唔知係唔夠醬定咩無味，芝士又好小，成個burger都唔好食…薯條都比較咸明太子意粉諗住多人推介試下，叫之前都諗緊個意粉咩料都無已經會好dry, 希望個醬整到好食。試左第一啖都知又中伏，首先個意粉軟硬係適中既，但重點個汁唔掂，無咩味又太杰撻撻，明太子味係有，但食落係酸酸地同之前食過既完全唔同味…兩樣野都唔好食，以後都唔會再去了。