Meraki (Closed)

難得抽到平日放假，緊係去大埔大尾督吸下新鮮空氣啦， 一入到大尾督租完單車就直踏入去了，踏到累我們見到 Meraki 比佢的裝修吸引了， 望到門邊有個木的鞦韆好 休閒。來到咁舒服的環境緊係要叫返d美食啦！ Fish taco, all day breakfast, crunchy platter and smoothie .Fish Taco 入面包住熱辣辣的炸魚配上辣蛋黃醬，下面有椰菜紅洋蔥沙律菜，一口咬落去又脆又香辣又爽甜真係口感豐富。All day breakfast 個滑蛋放上多士上食一流，之後再慢慢食腸仔煙肉和薯餅。Crunchy platter 入面有炸過的雞翼，面好酥脆入面d肉仲好滑， 有洋蔥圈，芝士條和蟹丸，款式多，岩哂鍾意食香口野的朋友。Smoothie - 我叫了藍莓加香蕉，朋友就叫了藍莓加菠蘿， 各有特色。最後見到有cake 忍唔住都食返件， 朱古力味很濃郁，果然好水準。係呢到吹吹涼風，食下美食， 休閒咁嘆個下午茶真係好舒服。