Odelice! (海之戀商場)

終於有番d唔一定貴，亦唔需要著到好formal 嘅法國餐廳。食緊個陣我地仲見到有四正外藉廚師出入。二人dinner set有小法包、餐湯、前菜、主菜同甜品；個包好食，餐湯都好飲夠地道。法國田螺嘅番茄辣肉腸醬汁塗上麵包度正，法國油封鴨腿鹹香嫩，薯蓉加左黑松露伴有酸酸甜甜橙香砵酒醬汁。阿根廷安格斯肉眼扒juicy，黑松露紅酒醬汁令個扒無咁膩，唔錯～Dessert 揀特別嘅火焰橙酒可麗餅係無錯，賣相一流，有橙香有酒香～另外果汁唔單一，設計嘅混合果汁都好好飲，可以encore。