Deer Coffee

Open Now

Now Closed

西貢越開越多文青cafe, 星期日同朋友去開嗰頭，見到有間睇落唔錯嘅，就入咗去食。明太子雞翼餐牌話呢個小食約需20分鐘製作，果然係精心製作，雞翼表皮香脆，入面明太子微辣，非常惹味！白汁蟹肉意粉意粉個汁好香，加埋蟹肉食，唔會好油膩，份量又充足。牛油果蟹肉鼻哥包bagel有烘過，咬落好軟身，牛油果蟹肉醬汁口味清新，伴碟沙律菜新鮮，整體感覺好健康。牛角包窩夫雪糕牛角包窩夫外脆內軟，加埋伴碟香滑嘅cream以及上面兩個雲呢拿雪糕，成件事好夾，暖暖哋嘅窩夫配埋冰凍嘅雪糕冰火交融，口感好豐富。熱情果梳打凍飲調味唔會好甜，有好多熱情果，唔會太多冰，非常易入口。玫瑰咖啡玫瑰咖啡拉花好靚，配埋花瓣打卡一流。咖啡味道濃郁，可以揀Skimmed milk，非常高質。Cafe以鹿為主題，環境舒適，價錢合理，下次有機會會再去。