香港郵意明信片主題咖啡廳 (Moved) New Location

假期冇野做 又想靜靜地扮下文青，所以就去左依間。 首先個環境係滿分啦， 夠哂靜！而且可以睇到唔同既明信片，成個環境夠哂氣氛，又夠舒服。 我坐低就點左杯熱情果梳打，三文魚忌廉意粉，薰衣草latte 。 三文魚忌廉意粉，意粉撒上一層三文魚肉碎，三文魚味道淡，肉質一般，無口感。而意粉唔多彈牙，煮耐左。 啲野飲ok，又夠特別。熱情果梳打夠哂味，好香果味。 薰衣草latte對我黎講幾新鮮，佢帶住香濃既薰衣草香味，入口有淡淡既薰衣草味係口中停留，但奶味都唔夠重。可惜只得一個侍應服務，人多既話就會非常辛苦。但任坐唔嬲，係一個休憩既好地方。