Latter Cafe

Open Now

Now Closed

今日約左朋友喺灣仔食晏， 經過謝斐道畀呢一間cafe所吸引， 門口擺設小清新風格， 入到店內令人好relax好chill嘅感覺， 店員有禮，qr code 自助落單好方便。 我哋叫咗個 all day breakfast， 壽喜燒牛肉扁意粉， 自家製tiramisu， 同兩杯動物派對盲盒latte。All day breakfast: 好豐富健康有營， 有香腸，煙肉，蕃茄， 麥包 ， 沙律菜， 藍莓，士多啤梨， 牛油果 同炒蛋 ，炒蛋蛋味濃，炒至半熟好滑溜， 蔬菜生果 新鮮美味👍。壽喜燒牛肉扁意粉： 扁意粉質感軟硬度適中， 牛肉軟淋入味分量都唔少，sukiyak汁香濃 ,加左紅椒絲 蒜蓉 洋蔥 一齊炒好惹味👍。Latter Tiramisu: 質感軟滑 ，忌廉口感厚身 ，微微嘅酒香慢慢滲出加上咖啡味香濃 ，層次豐富， 甜而不膩👍。動物派對盲俠latte： 必叫系列😂， latte可以選擇不同口味， 我哋叫咗朱古力latte同抹茶 latte， 我飲嘅係抹茶latte香濃幼滑 ，拉花已經好靚仲要加上上面嘅小動物 ，多種動物款式隨機配超可愛， 睇見都心情開朗， 少女心滿滿❤️。