Top Blade Steak Lab (希慎道)

Open Now

Now Closed

好耐冇去鋸扒了，於是決定今晚同朋友係學校附近搵返食下，黎到top blade steak lab, 一入黎個環境好舒服，走廊空間夠，成個氣氛比人好舒服既感覺，首先想大讚啲staff 好好人，見我地唸左好耐就主動黎同我地介紹有咩好食，呢到薯條免費任食配茄汁，仲有些少黑松露味，係好好既小吃，我地叫左套餐，各配忌廉蜆肉薯仔湯，蜆味好濃郁，湯亦都好足料，確保你每啖都會食到材料，至於主菜我地揀左390日美國谷餌牛扒3成同客席主廚牛扒5成，2份牛都好入味，封煎得好靚，令到牛既肉汁都鎖住到，中間半熟的牛扒好稔，放入口有少少溶既感覺，飲品我地叫左英國手工啤酒，花香味頗濃，而staff就表示意大利既蜜味會濃啲，睇你地中意邊款，仲有一杯dirty 檸檬特飲，食完啲比較重口味飲杯lemonade就感覺好fresh, 甜品就係熱情果芒果撻，撻皮稍微林左少少，水果味好重，做飯後甜品都推介! ☺ 總括而言，好味！staff超好人！推介！