Kim's Deli (Closed)

聖誕節特別有購買慾, 於是今日小妹同朋友去左尖沙咀到買買買! 行到三四點有d攰又有d餓, 所以就睇下海港城對面有咩食! 朋友話想食韓國野所以我地就揀左10樓嘅Kim's Deli, 上到去打開lift門就見到kakao Friends打卡位, 岩哂同小朋友一齊影相, 餐廳有一列窗, 我地揀左果邊坐, 採光度不錯, 由於過左lunch hour, 老闆推介我地試下個冬日韓式Tea Set, 有一壺自選花茶同傳統韓國點心, 又健康又有抗氧化美容功效, 打卡不錯!🌟牛蒡茶牛蒡茶加入手工蜜餞, 顏色呈桃紅色, 相當鮮豔, 味道甜甜酸酸幾開胃🌟堅果營養棒E款葉子形狀嘅營養棒係Gluten free的, 用左脆米, 杏仁, 蔓愈莓, 南瓜子, 芝麻同腰果整成, 非常脆口, 口感好豐富, 甜甜地幾好味🌟韓式donnut🍩冬甩細細個, 外層香脆亦唔油膩, 甜度適中