寶蓮禪寺齋堂

Open Now

Now Closed

以往放大假，一定會去旅行。由於疫情關係，大家都冇得去旅行，好耐都冇放過大假啦。眼見自己啲大假即將爆。於是攞咗一個星期大假。同兩老入大澳一日遊。咁當然要去寶蓮禪寺啦。我哋10:00先係大埔出發。入到寶蓮禪寺嘅時候已經係午飯嘅時間。於是就坐低食齋。我對上一次去寶蓮禪寺，我諗已經接近20年前。完全冇印象。由於疫情嘅關係。每台只可以坐兩個人，於是兩老就自己一台，我就坐開。齋菜味道正常。而且湯同白飯可以任添。但係我略嫌碗湯有味精，因為飲完之後覺得好頸渴。但整體來講我都覺得係好食嘅。入到黎嘅大家都可以嘗試下。