初心

Open Now

Now Closed

第一步曲食頭盤三文魚刺生，魚肉新鮮，厚肉肥美，味道鮮甜有油香。第二步曲就係任食雞煲，雞肉好入味，醬汁好香濃惹味。 雞煲入面仲有豬皮，豬皮索晒d醬汁，好好味。第三部曲小食任食，醋香雲耳，麻辣鴨血，炸黑松露蝦多士，炸三文魚。鴨血口感少少煙韌，麻辣味好香，不會嗆喉，好入味。 蝦多士即炸熱辣辣好香脆，蝦肉夠厚肉鮮味。炸三文魚好脆肉嫩。第四步曲，換另一個大鍋打邊爐，有幾款湯底選擇，我揀左胡椒豬骨湯底。未食已經聞到好香濃既胡椒味， 未打邊爐前先飲一碗湯，湯頭好濃郁，好夠胡椒味。之後會有一份海鮮拼盤，有蝦、蜆、魚、蠔、尤魚、螺， 海鮮同個湯底好夾，味道好鮮甜。之後仲有其他配料追加，肥牛、豬肉片、水餃、鮮牛肉丸、炸魚片。環境、服務、同食物都有質素，無酒精飲品任飲，價錢合理。