咕嚕咕嚕

Open Now

Now Closed

第二次來到咕嚕咕嚕，上次來新開張不夠，今次一收工就來，晚飯都未食，想和朋友飲酒談心，就上來了。平日晚上七時時間尚早，都沒有幾枱客人。除了drink menu，還有串燒！記得上次share過一個拼盤好抵食，今次再encore。最貴的都只是$108包四串串燒和一杯飲品。大蔥豬腩肉最最最出色，一片幾厚的豬腩肉燒汁沾滿表面，脂肪燒得甘香，超好味，大蔥又中和油份，食完想即刻追加！雞翼有兩隻，燒的時候雞翼骨剪開了，整體烤得更均勻，雞皮燒得很脆，又是食過想再食。牛舌多汁，質感較有嚼勁，很香很入味。日式炸豆腐比較乾身，佐酒小食。Gintonic酒精濃度高，落足料，抵飲！九時開始多人，有人玩美式桌球，有人玩beer pong很熱鬧，適合朋友聚會。