泗益

Open Now

Now Closed

去赤柱行街，當然要留意下有咩好食。。。之前睇報紙介紹過依度的伽央西多士，諗住去開就試下，但見到舖面好似大排檔，已經有少少打退堂鼓，但男友話都嚟到，就等一陣試下。。。等左10分鐘，終於有位，一坐底即係叫左一碗餐蛋麵，伽央西多士，一支大樽裝可樂，可樂吾使介紹啦，一定係支裝好飲，等左一陣，先嚟個餐蛋麵，賣相一啲都吾討好，但食左一啖，真係吾錯喎，麵夠淋，又吾會好重味精，餐肉吾係得半片，而係一大片，煎蛋係半生熟，整體都吾錯，之後就嚟伽央西多士，嚟到時候，係西多士上舖了一件大牛油，由於係熱辣辣，牛油好快就溶，先試一件，嘩，好好味，完全吾使落糖醬都好好味，西多士仲好軟淋淋，吾似市面果啲好硬。食完之後真係好滿足。。。而且好驚食吾番咁好味的西多士。。。至於服務，老實講，大排檔，吾好要求好好服務，但都好好禮貌，走時仲會叫你攞齊野，慢慢行，小心衝頭等等，但佢哋係吾會用紙去幫你落單，所以有時都會漏單，要叫多幾次先記得。但總活嚟講都吾錯，有機會真係要再入去試下。