叄壽司凍肉專門店

Open Now

Now Closed

打牌期間肚餓就去咗三壽司買壽司醫肚，叫咗一個赤海蝦刺身，總數有四隻，肉質非常鮮甜，價錢恰當，壽司方面極度推介海膽壽司，因為平時出去出邊食嗰啲好大機會有好似啲廁所味，而三壽司嘅海膽就完全冇呢個問題非常新鮮，好值得一戰。然後點咗四款腐皮系列嘅壽司，有腐皮吞拿魚沙律，腐皮辣味三文魚，腐皮螺肉船，以及腐皮芝士蟹子，每一款都各有特色，唔係度度有，都比較推薦試一下。而最後主食點咗一個原條鰻魚飯，勁大條囉想講，係燒汁煮，非常大條，性價比極高，一定適合鍾意鰻魚嘅愛好者。總結，如果下次再過嚟附近打牌一定會過嚟再試，地點非常方便，就係巴士站同輕鐵站隔離。