LAB10 (Under Renovation)

今日婆婆約出街，因仔仔早上要上學的，我又有D野要做；就一早同婆婆講好，叫佢約仔仔放學後一齊去搵下食乜先，我搞掂就出去食店搵佢地。點知，我出到去，仔話係約左婆婆，但婆婆重未到，仔企左半個鐘等婆婆，跟住再打比婆婆，婆婆果時先出門口我出到去婆婆都未出囉。真係激死我同仔，根本唔係婆婆約我地既話，今日仔放學就回家架啦，我就更加唔駛搭車出黎啦。到婆婆出到黎，我真係忍唔住＃＄％︿＆＊佢，佢約人架，都可以咁遲，冇心出黎唔想出街就唔好約啦為左令自己同仔仔都順番條氣，決定食好D，就走左上朗豪坊食燒肉啦。其實本來係想食果個大阪燒架，但企左係門口睇佢個電視介紹要自己整，睇完都係覺得有D難就放棄左啦。轉落下幾增去食韓式燒肉。望到個牌，又唔貴喎，而且全部都好似好正咁。最後我地叫左一個牛板，一個牛扒飯Set；外加多2杯飲品。今餐真係食得好滿足，好味又抵食。仔仔已經講定一定要再食。牛扒餐跟的柚子茶。士多啤朵梳打，其實味就冇乜特別，但係因為個容器，係即時加晒分，好靚丫。婆婆叫的果汁，好似有奇異果，火龍果重有唔知乜的，婆婆話好飲架喎。牛板，話係2人份量的，比我同婆婆食都真係差唔多，如果配埋飯就真係一個餐飽飽囉。牛板入面D