鳳城酒家 (Closed)

同朋友飲早茶揀左呢度。個酒樓要搭lift/行樓梯上，得一層而且面積都唔係太大。大概朝早10點9到，一入到去就見到勁多食客同等緊位既人。我地好似等左20分鐘左右就入得😳。鳳城點心果種懷舊既味道，食果陣有少少時光倒流既感覺😛 我估佢係即叫即蒸，所以入左紙都要等番一陣，第一次去好似都等左20分鐘，第二次去就快少少既。通常一上就係全部點心都差唔多時候上，熱騰騰好正😛💦佢既水準好平均，皮薄料足，味道豐富，香氣濃郁。傳統中式點心黎黎去去都係果幾樣，都唔想太chom氣逐件講感受，直接去相（雖然影得麻麻地）！兩個人埋單一人大概80-90$，悠悠閑閑食到飽飽地，當係brunch都差唔多係咁啦😂係舊式酒樓逐漸沒落既時代，要搵番相同既味道可能愈來愈難，所以食完真係好想記錄低呢刻幸福既感覺。