大街小館

Open Now

Now Closed

呢間本身係做甜品，其實一路都未食過佢嘅甜品，反而見佢最近晏晝有西餐食, 都幫襯過幾次,因為估唔到佢嘅西餐係幾高質, 唔係茶餐廳水平有驚喜平時食開雞扒蘆筍意大利飯多,今日轉左新Menu, 試吓呢個燴豬寸蕃茄意大利飯. 呢個飯都幾開胃, 有啲蕃茄蓉同埋蔬菜粒, 但係個飯就比較濕d 汁太水，但係整體係好食嘅.嗰個豬仔髀有兩件, 啲肉超腍但又唔鞋口，唔錯。之前試過佢嘅西餐湯, 就真係麻麻地, 個南瓜湯係勁水. 今次試吓中式湯。椰皇蟲草花燉雞湯：估唔到真係有成個椰皇，入邊仲有超多料，紅蘿蔔，羊肚菌，龍眼紅棗，椰子肉, 飲得出係好清甜有椰皇味，仲要係新鮮熱辣辣加$20, 非常有誠意。