Video
Read full review
2022-07-08
28 views
以前既女人街太多人，雖然知道個度都有好多餐廳，但就好少可會去個邊搵食。自從疫情後，女人街少左人行，d檔都早左收/已經執左，2旁既餐廳都漸漸地露出角頭。呢日就比一個五光十色既大門吸引左埋去。🥰😍餐廳主打fusion西+韓式菜，裝修都頗有心思，坐得都幾舒服，係冷氣大左小小🤪，我寒底比較怕凍😝。精選時令生蠔 12隻 $198冇諗過呢度都有生蠔食，見佢價錢唔貴，圍起都係十零蚊一隻，唔使諗就當然嗌一打啦！生蠔唔算好厚肉但都幾大隻，蠔味較淡，爽口而後勁鮮甜，即開生蠔夠晒新鮮。唧小小檸檬汁就搞掂。韓國米酒白葡萄味 $100因為想飲小小酒，呢款係店長推介既米酒，白葡萄味好香，甜甜地好容易入口，但其他酒精濃度唔算低，唔好飲咁急呀！最鍾意佢個酒壺同酒碗，真係好韓呀！真露焗蜆 $118呢個蜆真係令我喜出望外，蒜蓉牛油味勁香濃，粒粒都有肉，無甩殼情況出現，證明係新鮮貨！真露即係韓國嘅燒酒，煮完之後已經冇咗酒精味，但係佢嘅甜味仲喺度，同蒜蓉牛油真係好夾。底既韓式粉絲吸晒d汁，真係勁好食。溫泉蛋龍蝦芝士湯烏冬 $168碗有半隻龍蝦，好大隻同埋好多膏，啖啖肉，最貼之係蟹鉗嘅殼已經幫你處理好，好易夾到出黎食。芝士可以
餐廳主打fusion西+韓式菜，裝修都頗有心思，坐得都幾舒服，係冷氣大左小小🤪，我寒底比較怕凍😝。
精選時令生蠔 12隻 $198
冇諗過呢度都有生蠔食，見佢價錢唔貴，圍起都係十零蚊一隻，唔使諗就當然嗌一打啦！生蠔唔算好厚肉但都幾大隻，蠔味較淡，爽口而後勁鮮甜，即開生蠔夠晒新鮮。唧小小檸檬汁就搞掂。
韓國米酒白葡萄味 $100
因為想飲小小酒，呢款係店長推介既米酒，白葡萄味好香，甜甜地好容易入口，但其他酒精濃度唔算低，唔好飲咁急呀！最鍾意佢個酒壺同酒碗，真係好韓呀！
真露焗蜆 $118
呢個蜆真係令我喜出望外，蒜蓉牛油味勁香濃，粒粒都有肉，無甩殼情況出現，證明係新鮮貨！真露即係韓國嘅燒酒，煮完之後已經冇咗酒精味，但係佢嘅甜味仲喺度，同蒜蓉牛油真係好夾。底既韓式粉絲吸晒d汁，真係勁好食。
溫泉蛋龍蝦芝士湯烏冬 $168
碗有半隻龍蝦，好大隻同埋好多膏，啖啖肉，最貼之係蟹鉗嘅殼已經幫你處理好，好易夾到出黎食。芝士可以拉絲拉到勁長，睇到就開心😆，再撈埋溫泉蛋同粟米粒一齊食，好味同埋好大碗，如果湯底再濃d就更好。
鹽燒牛仔骨 $168
肉食獸嘅我點少得肉呢～😎原塊2大片牛仔骨，見到就心情興奮！侍應哥哥係上菜既時候會講解教你點樣食，貼心～牛仔骨用火爐上，一路烘住，一路剪佢一塊塊，唔會好容易就凍咗。配料有蒜片，洋蔥，黃芥末，韓式燒汁，之後用生菜包起肉&所有配料再好似韓國人咁一大口食晒佢！真係勁爽！
真希望疫情快d完結，好想去韓國大玩特玩呀！！
好味指數：8/10
韓川
旺角通菜街27號地下
Post
