Video
4-min walk from Exit E2, Mong Kok MTR Station
continue reading
Telephone
57291199
Introduction
The menu of this Korean restaurant is diverse, such as BBQ, cheese items, grilled seafood, etc. A lot of dishes are good for pairing with Korean alcoholic beverages and enjoy with friends.
continue reading
Opening Hours
Today
12:00 - 15:30
17:30 - 23:00
Mon - Thu
12:00 - 15:30
17:30 - 23:00
Fri - Sat
12:00 - 15:30
17:30 - 00:00
Sun
12:00 - 15:30
17:30 - 23:00
Public Holiday Eve
12:00 - 15:30
17:30 - 00:00
Above information is for reference only. Please check details with the restaurant.
About Reward Scheme
Offers
韓川 Han Chuan📍韓川旺角通菜街27號地舖難得約到三位愛吃朋友，當然要揀一間坐得舒服，食物質素有返咁上下，仲要夠多選擇嘅餐廳大快朵頤一下。朋友們推介去旺角一間韓國餐廳食晚飯，因為餐廳出名抵食之餘仲有好多選擇。除一般嘅石鍋料理、燒肉、炸雞、炸物外，佢哋仲罕見地提供各類燒海鮮同串燒，果然夠晒多元化。 💰$568韓川二人套餐 👩🏻❤️👨🏻真露焗蜆 🐚韓國料理最出名配燒酒食，而最為人所知嘅燒酒莫過於真露。真露算係酒精含量較少嘅燒酒，一般大概20度左右。餐廳以真露焗煮蜆，既能夠帶出其鮮味，又能當作調味，只要加入蒜蓉同粉絲，就會完成大家爭住食嘅一道美味焗蜆。粉絲索滿真露微微嘅酒氣同蒜蓉嘅芬香，配上肥美焗蜆，正呀！蜜糖芥末炸雞 🍗蜜糖芥末醬唧滿喺炸雞堆上面，內有單骨雞翼10件同雞鎚4件。炸雞脆漿唔會過厚，即使上檯時早已淋滿蜜糖芥末醬，放涼後食炸雞依然脆口，十分驚喜。芝士年糕 🧀芝士年糕炸得金黃香口，外皮微Q，內餡拉絲芝士同軟糯嘅年糕相輔相成，食正餐前食件炸鹹點，最適合不過。一口芝士 🧀三角狀嘅炸芝士一口一粒，每口都有濃醇嘅芝士香氣，酥炸口感容易上癮，必食推介！韓川燒肉拼盤 🧆呢個燒肉拼盤有齊豚肉、雞扒同西冷，啱晒多人分享之餘，亦滿足到唔同人嘅飲食需要。三款燒肉燒得金香，上檯時會用熱盤呈上，配上生菜包同秘製燒肉醬、芥末醬、蒜片等，還原韓式燒肉風味。豚肉肥瘦相間，多汁肉嫩；雞扒肉滑皮脆，雞香十足；西冷肉質緊實，滿滿牛香。牛肋骨湯 🍲朋友們選擇韓式石鍋湯中最具人氣嘅牛肋骨湯，除牛肋骨外，仲配有粗身粉絲、大蔥、翠肉瓜粒粒同雜菇粒粒，食材非常豐富。熱湯味道濃郁，散發淡淡嘅牛香味，牛肋骨肉質軟嫩、富膠質，愛牛嘅朋友們都食得好滿足。餐牌上所有湯類均配白飯一碗，價錢由$68至$198不等，絕對係高性價比之選！ 💰$88/2隻芝士牛油燒帶子 🐚即點即燒嘅帶子多汁、口感唔乾柴，燒得恰到好處。連殼帶子表面鋪滿大量芝士，再加入牛油，拉絲芝士燒至半焦狀態，香氣撲鼻，非常好食。 💰$88/2隻鹽燒虎蝦 🦐四大隻鹽燒虎蝦燒得相當吸引，隻隻都長過我手掌，蝦頭膏非常甘甜，蝦肉亦非常爽口彈牙，果然新鮮食材以最簡單嘅方式烹調，已經可以帶出鮮味！ 💰$68韓式炸餃拼盤 🥟全場我最愛食嘅係炸餃拼盤，泡菜餃、粉絲餃同雞皮餃各有兩隻，每款炸餃外皮都炸得非常香脆，我鍾意泡菜餡嘅味道、粉絲餃嘅口感同雞皮餃嘅香氣，三款餃子都好啱我口味，無可挑剔！
continue reading
🇰🇷親民價既韓國菜唔係當地先有，香港都一樣食到，女人街呢間韓國餐廳，抵食又好味，仲好crazy！大胃王嘅你一定挑戰以下呢個二人餐，真係十級豐富！精選生蠔二人餐🔥時令生蠔🦪（12隻）生蠔鮮脆爽口，帶點海水鹹鮮味，size比想像中大，口感質素唔錯！蜜糖芥末炸雞🍗（單骨雞翼10件、雞鎚四件）份量十足，炸雞外脆內軟，單骨雞翼食起嚟好方便，肉汁滿滿，媲美炸雞專門店！韓川燒肉拼盆🌟（豬/牛/雞）烤肉入味濃郁，配上秘製魔鬼辣椒醬，再加埋香蒜、洋蔥配料，用生菜包著食，口感爽脆豐富！韓式炸餃拼盤🥟包括有泡菜+粉絲+雞皮餃，冇諗過餃子都咁出色，外皮薄脆唔油膩，最鍾意雞皮餃香口有特色！鹽燒虎蝦🦐虎蝦燒得夠香，蝦肉彈牙爽甜，好高質！溫泉蛋帶子芝士湯烏冬🍲🧀巨型帶子被芝士重重包圍着，入口鹹香鮮味，溫泉蛋令湯底更濃郁順滑，食完都唔會覺得好漏！飲品🍶韓國米酒✨士多啤梨珍露✨食韓國菜想盡興啲，梗係要嘆埋米酒，成個套餐豐富多元化，肯定可以滿足大胃王嘅食慾，下次一定要叫多幾個朋友再嚟幫襯！
continue reading
要不是隔壁“首爾”裝修，我是絕對不會走進這家店鋪的！！午餐時間段裡面就一桌客人，但是我心想泡菜豆腐湯能做到多差勁呢，隨便配飯應付一餐好了！！結果上菜真的傻眼，只有半份，像別人吃剩的端上來，豆腐只有薄薄的六片，泡菜全部爛叭叭的沒有口感也不想吃，其他全無！！！！對比起來隔壁的“首爾”真的又抵又好吃！！！菜品也很用心。服務也一般般，一群男士應該是廚房的太閒了都坐在那按手機，外場的女士臉也臭臭的愛答不理。。。然後我背後就是音響，非常嘈雜。。。沒有對比就沒有傷害，賺點良心錢吧老闆！
continue reading
本身同朋友諗住揾間韓國菜食，打開OpenRice見到呢間餐廳好多好評，而且ig都有人推介，但一入到餐廳打開menu就覺得好奇怪，又冇海鮮煎餅，又冇蛋卷，一啲都唔似正宗嘅韓國餐廳 ，但我哋都冇特別為意。嘢食等咗超過廿分鐘先上。個石鍋飯唔熱，只可叫微温，味道可以，但個温度令成個飯遜色不少。個三色炸雞$160，份量同價錢不成正比，無論係個樣貌、口感、味道、質感、定係炸衣香料味，完全同麥當勞脆香雞翼一模一樣！俾$160食脆香雞翼加啲超市買嘅醬，我不如過隔離麥當勞直接買好過！
continue reading
呢一間韓式串燒店食物味道OK，不過價錢都有返咁上下，唔算好抵食，勝在氣氛好。叫咗幾樣野食之中，最好味嘅就係白鱔串燒，燒得都幾乾身，白鱔皮直頭係脆口嘅，而且D魚油都勁香濃，其實燒白鱔真係好正架。跟住第二好食嘅就係呢一份邪惡的五花腩，一層肥一層瘦，其實都唔係真係好瘦，呢個堅正，用生菜包住食無咁大罪惡感啦。個燒牛肉粒嘅味道都OK，不過就好似燒到過咗龍少少，有D韌。呢個芝士牛肉都幾有趣，撈埋黎食口感同味道都算係唔錯。作為一家串燒店，佢D串燒係OK嘅。貪得意叫咗份炸薯餅，原來係細粒的三角形薯餅而唔係老麥嗰種，不過都係炸薯餅啫。
continue reading