泰醉 (Closed)

長沙灣區真係幾多野食, 近來又見到間新開既泰菜餐廳酒吧, 驟眼望落去真係好有泰國酒吧街店鋪既模樣, 裝潢方面有落心機。仲有而家好興既火山排骨。整番條明爐烏頭, 湯另上一路食可以一路加落去, 咁就唔驚煲乾啦! 條魚同D配料都好似樣。落左好多芹菜, 芫茜, 肉碎增添湯底香味, 魚肉結實冇乜泥味, 雖然叫左清湯但因為D香料都好有泰國風味。泰式鐵板蠔仔蛋大大份好多蠔仔, 而且粒粒都肥嘟嘟, 點埋個辣醬仲好味。哩碟滷豬髀飯好大份, 汁味道好香, 豬髀肉已經又腍又入味, 最好食係連皮一齊食個種膠質豐富既口感。 唔飲酒就飲泰式飲品，哩杯泰檸茶都沖得唔錯。