Video
Read full review
2016-04-19
1076 views
最近無論係facebook定ig都見到mc cafe出左樣勁吸引既系列，就係窩夫喇，身為窩夫超級ｆａｎｓ既我，而家啲窩夫下下都要過百蚊，Ｍ記出得當然點都去試試啦！！大約十點半左右去到，點知去到個職員話岩岩賣哂，要等１５分鐘等佢解涷，一場黎試無理由唔試！但其實我本身好天真咁覺得佢係用機即刻整，點知原來係雪好拎出黎焗返熱。等左１５分鐘左右，主角出場喇！睇落同圖竟然差唔多無咩出入，即刻試試佢～一食落口，心諗...果然對於mc cafe唔好有咩期望，首先食落去只有少少脆口既感覺，同平時出面食既外脆內軟當然完全扯唔上關係啦，而本身窩夫應該有既蛋香味，都係完全食唔到，感覺就好似食緊一舊厚厚地就黎過期無左脆口既餅乾咁...而且食食下竟然發現佢有ｄ未溶既糖係面，完全格格不入。老實講，雖然廿幾蚊都唔應該有咩要求，但我會選擇係街邊比十蚊食個格仔餅會開心好多！最後就係佢放係面果３粒棉花糖係完全無烤過，就咁放係上面，明明幅圖係烤過架喎...因為買飲品可以用平價換購窩夫同蛋糕，一於試埋佢個新出棉花糖朱古力。其實都預左棉花糖係熱朱古力會溶，不過同幅圖真係幾大差別哈哈。飲落都係一杯普通朱古力，無咩驚喜，咁當然同平時
最近無論係facebook定ig都見到mc cafe出左樣勁吸引既系列，就係窩夫喇，身為窩夫超級ｆａｎｓ既我，而家啲窩夫下下都要過百蚊，Ｍ記出得當然點都去試試啦！！
大約十點半左右去到，點知去到個職員話岩岩賣哂，要等１５分鐘等佢解涷，一場黎試無理由唔試！但其實我本身好天真咁覺得佢係用機即刻整，點知原來係雪好拎出黎焗返熱。
等左１５分鐘左右，主角出場喇！睇落同圖竟然差唔多無咩出入，即刻試試佢～
一食落口，心諗...果然對於mc cafe唔好有咩期望，首先食落
去只有少少脆口既感覺，同平時出面食既外脆內軟當然完全扯唔上關係啦，而本身窩夫應該有既蛋香味，都係完全食唔到，感覺就好似食緊一舊厚厚地就黎過期無左脆口既餅乾咁...而且食食下竟然發現佢有ｄ未溶既糖係面，完全格格不入。老實講，雖然廿幾蚊都唔應該有咩要求，但我會選擇係街邊比十蚊食個格仔餅會開心好多！最後就係佢放係面果３粒棉花糖係完全無烤過，就咁放係上面，明明幅圖係烤過架喎...因為買飲品可以用平價換購窩夫同蛋糕，一於試埋佢個新出棉花糖朱古力。其實都預左棉花糖係熱朱古力會溶，不過同幅圖真係幾大差別哈哈。飲落都係一杯普通朱古力，無咩驚喜，咁當然同平時＄７杯既Ｍ記朱古力比，呢杯廿幾蚊一定會濃味啲既！
之後我呢個黑洞唔夠飽，見有得廿蚊換兩件蛋糕，梗係試埋佢啦！
您問我呢兩件到底係咩味既蛋糕，我諗睇顏色就係抹茶同朱古力味既，睇落都好似幾靚仔，但食落黎分既話我食哂成件蛋糕都分唔到佢係咩味。兩件蛋糕同樣地係唔軟熟，有點＂鞋＂口既感覺，對於一個整開蛋糕既人黎講，呢件蛋糕絕對唔合格，至於入面既cream唔係滑溜果種，係落魚膠粉似啫哩既感覺，同我想像都幾大出入，味道同質感都唔合格啊，今次真係大大既失望喇！
Post
