Video
Read full review
2019-08-25
140 views
今日拍左一日拖，返屋企前去左呢個吧度chill下，以迎接聽日嘅Blue Monday。入到嚟好特別，佢嘅裝修係以印度為主題，播嘅歌都係啲流行曲（放心，英文嘅，唔係印度文），而啲歌都係揀過嘅，唔會好嘈，但又有啲輕快。佢嘅menu絕示花巧，簡簡單單前後兩頁，食物都只係佔一個角落，但係可能因為做得比較專，所以食物質素唔錯。我地嗌左個串燒，分別係豬牛雞各兩串，佢配埋個花生沙嗲醬，係甜甜地有粒粒花生果種，加埋佢啲串燒本身嘅調味，一食落去令我諗起泰國。佢個牛肉好重牛味，個雞都好滑，豬中好腍，全部都唔會又硬又乾，48蚊抵食👍🏼然後就係個唐揚魷魚圓，係真係用鮮魷，絕對唔係雪藏果啲，因為食落好彈牙同有鮮味。好好食👍🏼跟住就係個炸魚薯條，佢個份量真係好大份，兩大舊鱈魚再加一碟薯條，真係好飽。佢個薯條係本身有調味，唔洗點醬都好好食。個魚就炸到外層脆卜卜，唔錯。要chill下，當然品少得飲品啦！飲品方面，男朋友話炸魚薯條要配啤酒，所以佢嗌左支健力士黑啤，好重麥味。而我自己就嗌左杯cocktail Sancino,佢係以紫蘇葉同清酒做主，再加左莓類水果，飲落好清新，好岩夏天飲。而呢度令我驚喜嘅係，竟然唔收加一，
入到嚟好特別，佢嘅裝修係以印度為主題，播嘅歌都係啲流行曲（放心，英文嘅，唔係印度文），而啲歌都係揀過嘅，唔會好嘈，但又有啲輕快。
佢嘅menu絕示花巧，簡簡單單前後兩頁，食物都只係佔一個角落，但係可能因為做得比較專，所以食物質素唔錯。
我地嗌左個串燒，分別係豬牛雞各兩串，佢配埋個花生沙嗲醬，係甜甜地有粒粒花生果種，加埋佢啲串燒本身嘅調味，一食落去令我諗起泰國。佢個牛肉好重牛味，個雞都好滑，豬中好腍，全部都唔會又硬又乾，48蚊抵食👍🏼
然後就係個唐揚魷魚圓，係真係用鮮魷，絕對唔係雪藏果啲，因為食落好彈牙同有鮮味。好好食👍🏼
跟住就係個炸魚薯條，佢個份量真係好大份，兩大舊鱈魚再加一碟薯條，真係好飽。佢個薯條係本身有調味，唔洗點醬都好好食。個魚就炸到外層脆卜卜，唔錯。
要chill下，當然品少得飲品啦！飲品方面，男朋友話炸魚薯條要配啤酒，所以佢嗌左支健力士黑啤，好重麥味。
而我自己就嗌左杯cocktail Sancino,佢係以紫蘇葉同清酒做主，再加左莓類水果，飲落好清新，好岩夏天飲。
而呢度令我驚喜嘅係，竟然唔收加一，但係啲職員個個都好好笑容好好禮貌，所以兩個人食咁多嘢，都係300蚊有找，性價比真係好高，下次一定會再嚟！
Post
