Video
Read full review
2019-12-04
407 views
星期日同先生拍下拖，嚟到以前讀大學時嘅搵食基地，當然要介紹佢試下呢間低調嘅法式餐廳。Menu只有三頁，但麻雀雖小五藏俱全。以前飲過佢嘅芝士洋蔥湯，非常有驚喜，今晚就試下龍蝦湯，同樣令人回味無窮，呈現非常吸引人嘅橙紅色，入口微稠，鮮香濃郁，重重嘅龍蝦味但又不帶一點腥味，非常出色。多士一客有八件，非常抵食，但對於兩個人嚟講份量有啲多，多幾個人分享會更好。多士預先塗上牛油同黑松露油，一上枱已經香氣撲鼻，多士烤得好脆，忌廉蘑菇汁頗為香濃，成個配搭好完美。意粉煮得爽身，醬汁偏稀但唔影響意粉嘅掛汁效果，加上鮮蕃茄同黑胡椒，食落感覺清新唔膩，加上大大隻蜆又新鮮又冇沙，唔錯。鴨腿煎得好香，外皮香脆而肉質依然保持嫩滑，其實唔洗用刀，用叉已經可以撕開鴨腿肉嚟食，而且一啲都唔油膩。伴碟嘅薯仔亦係另一亮點，加入鴨油去煎，除咗微脆嘅外皮之外，令成個口腔都散發住鴨油嘅香氣。今日嘅是日甜品係核桃酥皮同檸檬馬卡龍配雲呢拿雪糕，核桃酥皮即叫即整，上枱嘅時候依然有餘溫，入口酥脆微甜，配上雲呢拿雪糕，一冷一熱，非常合襯。檸檬馬卡龍嘅檸檬味好重，味道較濃，配上雲呢拿雪糕亦有平衡作用，感覺成個甜品配搭都好有心思👍🏻除咗食物有驚
Menu只有三頁，但麻雀雖小五藏俱全。
龍蝦湯
$88
18 views
0 likes
0 comments
以前飲過佢嘅芝士洋蔥湯，非常有驚喜，今晚就試下龍蝦湯，同樣令人回味無窮，呈現非常吸引人嘅橙紅色，入口微稠，鮮香濃郁，重重嘅龍蝦味但又不帶一點腥味，非常出色。
蘑菇多士
$89
11 views
0 likes
0 comments
多士一客有八件，非常抵食，但對於兩個人嚟講份量有啲多，多幾個人分享會更好。
蘑菇多士
$89
13 views
0 likes
0 comments
多士預先塗上牛油同黑松露油，一上枱已經香氣撲鼻，多士烤得好脆，忌廉蘑菇汁頗為香濃，成個配搭好完美。
鮮大蜆意粉
$129
16 views
0 likes
0 comments
意粉煮得爽身，醬汁偏稀但唔影響意粉嘅掛汁效果，加上鮮蕃茄同黑胡椒，食落感覺清新唔膩，加上大大隻蜆又新鮮又冇沙，唔錯。
法式地道鴨腿配鴨油煎薯仔
$189
13 views
0 likes
0 comments
鴨腿煎得好香，外皮香脆而肉質依然保持嫩滑，其實唔洗用刀，用叉已經可以撕開鴨腿肉嚟食，而且一啲都唔油膩。伴碟嘅薯仔亦係另一亮點，加入鴨油去煎，除咗微脆嘅外皮之外，令成個口腔都散發住鴨油嘅香氣。
是日甜品
$78
20 views
0 likes
0 comments
是日甜品
$78
10 views
0 likes
0 comments
除咗食物有驚喜，價錢合理，侍應態度亦十分好，既主動，又體貼客人需要，非常抵讚！
Post
