Video
Read full review
2013-11-17
2732 views
知道餐廳的座位唔多，所以早兩星期打電話去訂位，接電話的應該係老闆(韓國人)，我地訂了七點半，4位。粒粒魚生沙律 - 魚生粒新鮮，沙律菜味道唔錯。燒河豚干($48) - 好好味，燒得好乾身，有點脆口，大家都食到唔停口，送酒一流。玉乃光($180/支) - 我地想飲sake但又唔知叫邊款好，老闆好好咁介紹左幾款俾我地。因為我地想要熱飲既關係，所以老闆最後推介了玉乃光，每樽300ml，我地一共飲了兩樽。當我叫老闆留番個吉樽俾我影相，佢即刻話拎支新既俾我影，老闆好好人=)。刺身拼盤 - 每款刺身都好新鮮，正。秋刀魚刺身($148) - 老闆娘向我地推介秋刀魚刺身，咁我地就叫黎試下。嘩，好正呀，好新鮮好好味，老闆娘果然冇介紹錯。不過如果餐廳能夠待客人食完刺身，主動為客人炸埋條魚骨，咁就perfect啦。 壽司拼盤($168) - 每款得一件，我地要爭食。我爭贏左件牡丹蝦，好味道。芒果龍蝦沙律卷 - 雖然芒果有少少酸，但都好好味，好開胃。雞翼鬱金香($36/3隻) - 雞翼炸得剛剛好，將雞肉反到一端，方便客人拎住支骨來食，點埋沙律醬，成啖肉放入口，好味。香草燒羊扒($72) - 呢個羊扒超抵食啊，
粒粒魚生沙律 - 魚生粒新鮮，沙律菜味道唔錯。
燒河豚干($48) - 好好味，燒得好乾身，有點脆口，大家都食到唔停口，送酒一流。
玉乃光($180/支) - 我地想飲sake但又唔知叫邊款好，老闆好好咁介紹左幾款俾我地。因為我地想要熱飲既關係，所以老闆最後推介了玉乃光，每樽300ml，我地一共飲了兩樽。當我叫老闆留番個吉樽俾我影相，佢即刻話拎支新既俾我影，老闆好好人=)。
刺身拼盤 - 每款刺身都好新鮮，正。
秋刀魚刺身($148) - 老闆娘向我地推介秋刀魚刺身，咁我地就叫黎試下。嘩，好正呀，好新鮮好好味，老闆娘果然冇介紹錯。不過如果餐廳能夠待客人食完刺身，主動為客人炸埋條魚骨，咁就perfect啦。
壽司拼盤($168) - 每款得一件，我地要爭食。我爭贏左件牡丹蝦，好味道。
芒果龍蝦沙律卷 - 雖然芒果有少少酸，但都好好味，好開胃。
雞翼鬱金香($36/3隻) - 雞翼炸得剛剛好，將雞肉反到一端，方便客人拎住支骨來食，點埋沙律醬，成啖肉放入口，好味。香草燒羊扒($72) - 呢個羊扒超抵食啊，$72有四支骨，切開啱啱好每人一支骨，又好味又抵食，要推！
釀蟹蓋($72/4件) - 蟹蓋炸得好好，不過我略嫌淡味左少少。
油甘魚胶 - 第一次食油甘魚胶，超好食，看來廚師既炸功非常了得，幾款炸物都炸得好好。呢個油甘魚胶，我一咬落去，唔......好好味呀，d魚肉好鮮甜同埋好juicy，配埋個柚子醬來食，酸酸甜甜，好夾。好想再來多客。
明太子雞翼($32/2隻) - 味道有點淡唔夠味，我覺得調味可以鹹番少少或重味少少。
煙肉炒椰菜($48) - 味道唔錯，椰菜炒得好好。
最後餐廳會送上每人一粒雪米滋。
由於我地要留肚去食糖水，所以下次有機會先再試埋餐廳既串燒同炒飯。
Other Info. :
當我地食完所有野，老闆娘主動問我地覺得食物如何，我地都大讚好味。老闆娘知我地因為睇左openrice所以來幫襯，佢好有禮貌咁叫我地如果有時間都寫下comment。我就係因為老闆娘呢一句說話，同埋覺得呢間係一間好有誠意既日本餐廳，再加上招呼好，食物好，所以我就寫下我第一篇既食評啦。
(The above review is the personal opinion of a user which does not represent OpenRice's point of view.)
Post
