燒烤工坊 (Closed)

朋友話食串燒，俾個地址我係旺角上海街，搭地鐵差唔多出閘時去google check 地址先發現原來喺佐敦。其實由地鐵站行去都係幾分鐘。佢即叫即燒，所以適合想座低傾吓計嘅我地。佢話用不一樣的材料，不一様的味道有好多種類可以揀我鐘意食茄子，朋友鐘意食肉好大條開邊燒茄子，鋪滿咗蒜蓉燒汁同葱花。燒雞翼久乾身，香口。司華力腸燒完會切開俾我地方便食。豬頸肉同五花腩都香口，抵我地坐低等咁耐。店員推介要食佢個粉絲，但我唔食得辣，要咗蒜蓉味，可以點唔同海鮮，估唔到$58蚊海鮮份量都好多，花甲有成十隻，仲有大大件魷魚同帆立貝，店員話佢地嘅秘製麻辣好好食，下次同食辣朋友嚟我再試一下。