Video
Read full review
2023-10-13
15 views
得閒去下串燒店同朋友邊食邊傾偈都係一種享受😌佐敦就有一間日式串燒店Mizu，日頭係cafe☕️夜晚就有師傅係吧台前密密燒各款海鮮肉類🍢成日食串燒太多選擇諗唔到食咩好😂呢度就set好咗有雞肉、海鮮或者和牛omakase sets，一份有齊前菜、串燒、和食、主食、吸物，已經夠晒豐富，再另外單點其他串燒或小食就好滿足🤰🏻呢度嘅環境裝修都幾有格調，日頭係cafe，所以有啲室外位置都幾chill，好啱邊飲咖啡邊打卡👍🏻燒鳥Omakase🧄螢光魷魚漬、漬蒜頭－兩份小小嘅前菜，經典日式口味。🍗日本華味鳥手羽先、雞膝軟骨、雞肝、雞腿肉－雞翼香脆，調味剛好😚雞軟骨食得多，雞膝軟骨就比較少見，脆脆地口感都唔錯😛😛平時比較抗拒雞肝，因為怕有噏味，但呢個完全無👍🏻👍🏻而且口感彈牙啲唔會好粉，食落唔似內臟，加上鹹香濃稠嘅醬汁都食得過；雞腿肉爽彈，加上爽脆大蔥，經典不會輸嘅口味，醬汁略嫌重手咗啲啲。🍢紫蘇雞肉串、秘製雞肉棒棒－另外兩款雞肉串燒比較特別，雞肉裹上紫蘇葉都幾夾😙招牌雞肉棒口感軟滑，沾滿蘭王蛋蛋汁令肉質更滑溜😋🍲關東煮－湯頭清清地飲落好舒服，豆腐好索湯💦魚糕好彈牙，仲有鵪春蛋！🍙燒明太子飯團配茶漬湯－飯團
燒鳥Omakase
🧄螢光魷魚漬、漬蒜頭－兩份小小嘅前菜，經典日式口味。
🍗日本華味鳥手羽先、雞膝軟骨、雞肝、雞腿肉－雞翼香脆，調味剛好😚雞軟骨食得多，雞膝軟骨就比較少見，脆脆地口感都唔錯😛😛平時比較抗拒雞肝，因為怕有噏味，但呢個完全無👍🏻👍🏻而且口感彈牙啲唔會好粉，食落唔似內臟，加上鹹香濃稠嘅醬汁都食得過；雞腿肉爽彈，加上爽脆大蔥，經典不會輸嘅口味，醬汁略嫌重手咗啲啲。
🍢紫蘇雞肉串、秘製雞肉棒棒－另外兩款雞肉串燒比較特別，雞肉裹上紫蘇葉都幾夾😙招牌雞肉棒口感軟滑，沾滿蘭王蛋蛋汁令肉質更滑溜😋
🍲關東煮－湯頭清清地飲落好舒服，豆腐好索湯💦魚糕好彈牙，仲有鵪春蛋！
🍙燒明太子飯團配茶漬湯－飯團燒到幾乎每部分都係飯焦😎明太子份量剛好，唔會太搶，鍾意更有層次嘅食法可以浸落茶湯變成茶漬飯。
北海道久岸蠔昆布心
來自北海道嘅蠔🦪超級飽滿肥嘟嘟😍😍燒至剛剛熟，肥美之餘中間竟然帶creamy口感，加上暖暖嘅湯汁一齊食幾正😋😋
新鮮白鱔
好爽彈，口感唔錯，輕輕灑上少許鹽已經ok👌🏻
安格斯牛小排、牛舌
餐廳將牛舌筋位切除，可以食到最彈牙嘅部位，燒到好脆口😽牛小排厚切口感都唔錯。
日本豆腐燒、明太子長芋燒
豆腐外脆內軟都幾好食🫶🏼長芋燒好特別呢，平時食淮山都係腍到化開，但呢度係燒到好爽口，口感有啲似雪梨😆
紅豆燒年糕
紅豆好綿密香甜，年糕表面香脆，咬落chewy，口感好豐富👍🏻👍🏻
黃金桂烏龍冷萃氣泡茶、糯山普洱氣泡茶
支裝氣泡茶平時比較少見，好清爽，可以試下。
人均消費：$550
推介指數（10分為滿分）：7.5分
Post
