不倒翁中日火鍋料理

Open Now

Now Closed

諗起打邊爐就去咗佐敦，貪呢度選擇較多，今日去嘅餐廳都幾出名，而家見到佢做好多特價，所以都值得試一試。叫咗個清潤椰青文昌雞鍋（半隻）套餐$888，湯底係清潤嘅椰青同埋椰青水，上枱就已經聞到幽幽嘅清香，一啲都唔會燥，文昌雞皮薄肉比較結實，肉味香濃，肉甜味幾突出。海鮮盤有南非鮮鮑魚，元貝，靚桶蠔，新鮮斑片及海生蝦。其中海蝦非常新鮮，入口好彈牙蝦。南非鮑魚入口爽脆彈牙鮑魚味鮮甜。安格斯手切肥牛另加$100可以加大。牛肉嘅油花非常漂亮，入口肉質好嫩滑，相對肉味較淡。自家店的水餃皇，中間有木耳絲，口感彈牙。跟餐飲品有竹蔗茅根或酸梅湯，味道自然又清熱氣。餐廳食物質素高價錢合理，裝修幾舒服，坐低打邊爐都唔會太迫澀。