Video
Read full review
2017-07-01
295 views
佐敦區對我嚟講都係比較平民嘅地方，而且我經常喺香港搵食真係比較少喺呢頭食嘢！除咗廟街之外諗唔到有咩特別嘅嘢要過嚟呢邊囉！不過近年好多型格精品酒店都建於佐敦區好似我今日同老婆大人約埋朋友嚟Hotel Stage內的廚意呢度食晏估唔到充滿驚喜喎！呢間餐廳座位好闊落坐得好舒服 ，而家香港已經好少啲咁舒服嘅地方㗎啦！ 廢話少講即刻睇下有咩好嘢食！先上檯嘅係麵包籃由於我唔鍾意食油醋嘅關係所以呢籃麵包我覺得最好味嘅一定係麵包條囉。 跟住上檯嘅係藜麥牛油果沙律配蘋果醋汁，平時唔鍾意呷醋嘅我都好鍾意呢個沙律喎！因為牛油果又香又滑好鬼正加埋個蘋果醋汁唔會好刺激我鍾意。 再嚟嘅係烤西班牙八爪魚， 呢個八爪魚就不得了原條八爪魚鬚嚟烤焗，味道香口又惹味而且質地又淋又滑真係好味到飛起呀。 真係驚喜一浪接一浪呢個巴馬火腿火箭菜意大利薄餅又係好鬼好食，最鍾意薄脆嘅餅底加埋香而不鹹嘅巴馬火腿真係好好味道！老婆仲開心因為有佢最喜歡食嘅火箭菜，不過兩底pizza差不多畀我食咗一底了。 食完薄餅侍應就
呢間餐廳座位好闊落坐得好舒服 ，而家香港已經好少啲咁舒服嘅地方㗎啦！
廢話少講即刻睇下有咩好嘢食！先上檯嘅係麵包籃由於我唔鍾意食油醋嘅關係所以呢籃麵包我覺得最好味嘅一定係麵包條囉。
跟住上檯嘅係藜麥牛油果沙律配蘋果醋汁，平時唔鍾意呷醋嘅我都好鍾意呢個沙律喎！因為牛油果又香又滑好鬼正加埋個蘋果醋汁唔會好刺激我鍾意。
再嚟嘅係烤西班牙八爪魚， 呢個八爪魚就不得了原條八爪魚鬚嚟烤焗，味道香口又惹味而且質地又淋又滑真係好味到飛起呀。
真係驚喜一浪接一浪呢個巴馬火腿火箭菜意大利薄餅又係好鬼好食，最鍾意薄脆嘅餅底加埋香而不鹹嘅巴馬火腿真係好好味道！老婆仲開心因為有佢最喜歡食嘅火箭菜，不過兩底pizza差不多畀我食咗一底了。
食完薄餅侍應就送上紅蝦意大利麵，我從來都唔係意粉嘅粉絲不過試咗一啖味道真係做得好好！紅蝦又彈牙又鮮甜見到老婆大人同其他朋友食到咀舐舐呢。
再嚟呢一份叫做西班牙煙辣椒粉嫩滑豬扒，厚切嘅豬扒配上甜香辣椒味道十分之出色，加上豬扒煎得冇過熟又焦香真係幾鬼吸引！
同老婆大人食飯一定要有甜品！揀咗呢個有機豆腐芒果芝士餅配豆腐意大利雪糕，豆腐雪糕好香濃豆味雖然唔係自家製但係攞貨嗰個好抵讚，豆腐芒果芝士餅入口都幾棉，不過豆腐雪糕實在太搶鏡啦佢真係要做住茄哩啡先。
食飽飽走咗落大堂欣賞吓佢哋啲藝術擺設。
呢啲用中文譯法出嚟嘅英文真係好搞笑囉啱曬我呢啲文盲呀。
原來酒店嘅地牢仲有一間Wine Bar 入面除咗可以飲酒仲擺放咗好多關於佐敦區嘅藝術物品書籍 行到攰攰哋落嚟呢度飲杯酒器下都唔錯喎
Post
