盛記粥麵

Open Now

Now Closed

佐敦盛記粥麵係我哋飯堂😍平時成日去食佢係招牌雲吞麵，生滾粥，樣樣都足料又好味，今日又去食喇😉🍜招牌雲吞麵呢度嘅雲吞麵完全冇鹼水味，麵條香口彈牙，雲吞大粒飽滿，湯底清甜，啖啖大地魚味，的確唔錯。🥘蘿蔔牛筋腩飯牛腩牛筋炆得好腍，蘿蔔清甜冇渣，個汁濃郁，送飯一流。雞翼拼炸鯪魚球即叫即炸，上枱仲好熱，雞翼好juicy ，鯪魚球大粒又香口，脆卜卜。炸兩必點炸兩，真係脆口，即使包左香滑腸粉皮，都係好鬆脆，大贊。蠔油生菜清脆爽口加埋蠔油，唔錯。招牌薏米水每次嚟到都會飲，今次飲凍嘅，佢哋嘅薏米水真係超級足料，連薑一齊煲，仲要係少甜，推介。